கோலிவுட்டில் பிரபலமான நடிகைகள் என்ன படித்திருக்கிறார்கள் தெரியுமா?
கோலிவுட்டில் தற்போது ரசிகர்களின் கனவுக்கன்னியாக கோலோச்சிகொண்டிருக்கும் பிரபல நடிகைகள் அனைவரும், பட்டப்படிப்பு முடித்தவர்களே. படிக்கும் காலத்தில், சினிமா மீது ஆர்வம் கொண்டு, இந்த துறையை தேர்வு செய்தனர் தவிர, பலருக்கும் அவர்கள் படித்த படிப்பிற்கும், இந்த துறைக்கும் சம்மந்தமே இல்லை. அதன்படி, தற்போதுள்ள தமிழ் நடிகைகளின் கல்வி தகுதி என்ன எனபதை பற்றி ஒரு சிறு பார்வை இதோ: த்ரிஷா: நடிகை த்ரிஷா, சென்னை எத்திராஜ் கல்லூரியில் BBA படித்துள்ளார். கல்லூரி காலத்தில் மாடலிங் துறையில் நுழைந்தவர், மிஸ்.மெட்ராஸ் படத்தையும் வென்றார். அதன் தொடர்ச்சியாக படவாய்ப்புகள் வர, சினிமாவிற்குள் நுழைந்து, இன்றளவும் வெற்றிகரமான கதாநாயகியாக இருக்கிறார். நயன்தாரா: இவர் சின்னத்திரை தொகுப்பாளராக அறிமுகம் ஆனபோது, BA இங்கிலிஷ் லிட்டரேச்சர் படிப்பை முடித்திருந்தார்.
டாக்டர் படிப்பை முடித்துவிட்டு, சினிமாவிற்கு அந்த சாய் பல்லவி, ஐஸ்வர்யா லட்சுமி
சமந்தா: நடிகை சமந்தா, ஸ்டெல்லா மாரீஸ் கல்லூரியில் பி.காம் முடித்துள்ளார். பாக்கெட் மணிக்காக, மாடலிங் வேலைகளை தேர்வு செய்ததாக கூறினார். அப்படிதான் சினிமா மீது ஆர்வம் வந்ததாகவும் கூறியுள்ளார். சாய் பல்லவி: இவர் ஜார்ஜியாவில் மருத்துவம் முடித்துள்ளார். அதை இங்கே பயிற்சி செய்யவும் அனுமதி பெற்றுள்ளார். ஐஸ்வர்யா லக்ஷ்மி: இவரும் கேரளாவில் மருத்துவம் முடித்துள்ளார். மருத்துவம் படிக்கும் போதே மாடலிங் துறை மீது ஈர்க்கப்பட்டதாக கூறுகிறார். பிரியா பவானிஷங்கர்: இவர் கிரஸ்சண்ட் கல்லூரியில் பொறியியல் படிப்பை முடித்துள்ளார். அதன் பின்னர் செய்திவாசிப்பாளராக தனது பயணத்தைத் துவங்கினார். ஸ்ருதி ஹாசன்: இவர் அமெரிக்காவில் இசையில் பட்டப்படிப்பை முடித்துள்ளார். கீர்த்தி சுரேஷ்: சென்னையில் உள்ள ஒரு தனியார் கல்லூரியில் பேஷன் டிசைனிங் சார்ந்த படிப்பை முடித்துள்ளார்
