மதுரையில் லியோ திரைப்படத்திற்கு போலி டிக்கெட் விற்பனை
நடிகர் விஜய் நடிப்பில் இயக்குனர் லோகேஷ் கனகராஜ் இயக்கத்தில் திரிஷா, அர்ஜுன், சஞ்சய் தத் நடித்துள்ள லியோ திரைப்படம், அக்டோபர் 19ஆம் தேதி வெளியாகிறது. இந்நிலையில், 19ஆம் தேதி வெளியாகும் லியோ திரைப்படத்திற்கு, 18ஆம் தேதி சிறப்பு காட்சி எனக் கூறி மதுரையில் போலி டிக்கெட் விற்பனை செய்யப்பட்டுள்ளது. மதுரையில் உள்ள, பிரியா திரையரங்கு பேரில் போலி டிக்கெட் விற்பனை செய்யப்பட்டுள்ளது. அந்த டிக்கெட்டுகளின் புகைப்படங்கள் வைரலான நிலையில், பிரியா திரையரங்க நிர்வாகம் ட்விட்டரில் இது குறித்து விளக்கம் அளித்துள்ளது. பிரியா சினிமாஸ் பெயரில் விற்பனையாகும் போலி டிக்கெட்டுகளை வாங்க வேண்டாம் எனவும், அதை ரசிகர்கள் வாங்கினால் அதற்கு பிரியா சினிமாஸ் பொறுப்பாகாது எனவும் விளக்கம் அளித்துள்ளனர்.
