தீபாவளி2023- தீபாவளியை பட்டாசு இல்லாமல் கொண்டாட ஐந்து வழிகள்
செய்தி முன்னோட்டம்
இந்தியாவில் கொண்டாடப்படும் மிகப்பெரிய பண்டிகைகளில் ஒன்றான தீபாவளி, நாடு முழுவதும் டிசம்பர் 12ம் தேதி என்று கொண்டாடப்படுகிறது.
நாடு முழுவதும் தீபாவளி பல்வேறு விதமாக கொண்டாடப்பட்டாலும், தமிழ்நாட்டில் பட்டாசுகள் இல்லாமல் தீபாவளி நிறைவடைவதில்லை.
அதுவும் குறிப்பாக குட்டி ஜப்பான் என்று அழைக்கப்படும் சிவகாசியை, நம் மாநிலத்தில் வைத்துக் கொண்டு பட்டாசு வெடிக்காமல் தீபாவளியை எப்படி கொண்டாட முடியும்?
ஆனால், தற்போது ஏற்பட்டிருக்கும், காற்று மாசு, அதிகரித்து வரும் ஒலிமாசு உள்ளிட்டவற்றை கருத்தில் கொண்டு, தீபாவளியை பட்டாசு வெடிக்காமல் கொண்டாடுவது நமக்கும், நம் சார்ந்திருக்கும் சமுதாயத்திற்கும் மிகவும் நல்லது.
அந்த வகையில், பட்டாசு இல்லாமல் தீபாவளியை எப்படி கொண்டாடுவது என்பதை இங்கு பார்க்கலாம்.
2nd card
வீட்டில் தீபம் ஏற்றலாம்
தீபங்கள் இயற்கையானவை, சுற்றுச்சூழலுக்கு உகந்தவை மற்றும் வீட்டை அழகாக மாற்றக்கூடியவை. பட்டாசுகள் தரும் ஒளியை விளக்குகளாலும் தர முடியும்.
இந்த தீபாவளிக்கு, தீபங்களை ஏற்றி, வீட்டின் ஒவ்வொரு மூலையையும் அலங்கரித்து, வீடுகளிலும் இதயங்களிலும் மகிழ்ச்சி பொங்க நாம் கொண்டாடலாம்.
வீட்டில் இனிப்புகளை செய்யலாம்:
தீபாவளி பண்டிகையை கொண்டாட புத்தாடைகளைப் போல, இனிப்புகளும் இன்றியமையாதவை.
உங்கள் அன்புக்குரியவர்களுடன் நேரத்தை செலவழித்து, உங்கள் விருந்தினர்களுக்கு வாயில் எச்சில் வரும் உணவுகளை தயார் செய்து அவர்களுக்கு வழங்கி தீபாவளியை மகிழ்ச்சிகரமாக கழிக்கலாம்.
3rd card
வீட்டில் விருந்திற்கு ஏற்பாடு செய்யலாம்
நமது அன்புக்குரியவர்களுடன் நேரம் செலவழிக்காத பண்டிகை கொண்டாட்டம், சரியான பண்டிகை கொண்டாட்டமாக இருக்க முடியாது. அன்பானவர்களை வீட்டுக்கு அழைத்து அவர்களுடன் நேரம் செலவழிக்கலாம்.
வீட்டை அலங்கரிக்கலாம்:
விளக்குகளாலும், வண்ணங்களாலும் தீபாவளி நாளன்று நமது இல்லங்களை நாம் அலங்கரிக்கலாம். வீட்டிலேயே செய்யக்கூடிய அலங்கார பொருட்களை செய்து, வீட்டை அலங்கரித்து மகிழலாம்.
பிடித்தமானவர்களுக்கு பரிசளியுங்கள்:
தீபாவளி ஒளியின் பண்டிகையாக இருந்தாலும், அது ஈகையை சொல்லும் பண்டிகையும் தான்.
தீபாவளி நாளில் உங்கள் பிடித்தமானவர்களுக்கு, பரிசுப் பொருட்களை வழங்கி மகிழ்வியுங்கள். பட்டாசு வெடிப்பதை விட இது இரட்டைப்பு மகிழ்ச்சியை உங்களுக்கு வழங்கும்.
இவை எல்லாவற்றையும் தாண்டி, பட்டாசு வெடிக்கும் எண்ணம் உங்களுக்கு இருந்தால், குறைந்த அளவு காற்று மாசு ஏற்படுத்தும் பசுமை பட்டாசுகளை வெடிக்கலாம்.