இயக்குனர் ஷங்கர் பிறந்தநாளை கொண்டாடிய 'இந்தியன் 2' படக்குழு
இயக்குனர் ஷங்கர் உலகநாயகன் கமல்ஹாசனை வைத்து எடுக்கப்பட்டு கடந்த 1996ம் ஆண்டு வெளியான 'இந்தியன்' படம் மிகப்பெரிய வெற்றியினை பெற்றது. அதனை தொடர்ந்து தற்போது இப்படத்தின் 2ம் பாகத்தினை இயக்குனர் ஷங்கர் எடுத்து வருகிறார். ரெட் ஜெயண்ட் மூவிஸ் நிறுவனமும், லைகா நிறுவனமும் இப்படத்தினை இணைந்து தயாரிக்கிறார்கள். இந்த திரைப்படத்தில், சமுத்திரக்கனி, பாபி சிம்ஹா, காஜல் அகர்வால், ரகுல் பிரீத் சிங், சித்தார்த் என ஒரு மிகப்பெரிய நடிகர் பட்டாளமே நடித்து வருகிறது. இதன் படப்பிடிப்பு விரைவில் முடிக்கப்பட்டு, அடுத்தாண்டு பொங்கல் பண்டிகைக்கு இப்படம் வெளியிடப்படும் என்று கூறப்படுகிறது. இந்நிலையில் இயக்குனர் ஷங்கர் இன்று(ஆகஸ்ட்.,17) தனது 60வது பிறந்தநாளினை 'இந்தியன் 2' படக்குழுவினருடன் இணைந்து கேக் வெட்டி கொண்டாடியுள்ளார்.
