யுவன் ஷங்கர் ராஜா இன்ஸ்டாகிராமை விட்டு எதற்காக வெளியேறினார்? அவரே கூறிய காரணம் இதோ..
இன்று காலை முதல் சோஷியல் மீடியா முழுவதும் யுவன் ஷங்கர் ராஜா இன்ஸ்டாகிராமிலிருந்து வெளியேறி விட்டார் என்ற செய்தி வியாபித்திருந்தது. காரணம், இன்ஸ்டாகிராமில் அவர் பெயர் கொண்ட பக்கமே செயல்பாட்டில் இல்லை. பலரும் யுவன் GOAT படத்தின் இசைக்காக எழும் விமர்சனத்தை சமாளிக்கவே வெளியேறினார் என கருதினார்கள். எனினும் யுவனின் ரசிகர்களோ, அவரின் இன்ஸ்டாகிராம் பக்கம் முடக்கப்பட்டது என கூறினர். இந்த நிலையில் யுவன் ஷங்கர் ராஜா தனது எக்ஸ் பக்கத்தில் ஒரு ட்வீட் பதிவிட்டு, இந்த சர்ச்சைகளுக்கு முற்றுப்புள்ளி வைத்தார். யுவனின் ட்வீட் படி, "உங்கள் அக்கறையான மெஸேஜ்களுக்கு நன்றி. இது ஒரு தொழில்நுட்ப பிழை, எனது குழு எனது Insta கணக்கை மீட்டெடுக்க முயற்சிக்கிறது, விரைவில் வருவேன்!" என பதிவிட்டுள்ளார்.
யுவன் ஷங்கர் ராஜா போஸ்ட்
Hey guys, Thank you for the concerned messages. It's just a technical error, my team is trying to recover my Insta account and I'll be back soon 😊 Love, always!— Raja yuvan (@thisisysr) April 18, 2024
