24 மணிநேரத்தில் முதல் எவிக்சன்; பிக் பாஸ் போட்டியாளர்களுக்கு ஷாக் கொடுத்த விஜய் சேதுபதி
செய்தி முன்னோட்டம்
பிக் பாஸ் தமிழின் ஏழு சீசன்களுக்குப் பிறகு, எட்டாவது சீசன் ஞாயிற்றுக்கிழமை (அக்டோபர் 6) அன்று உற்சாகமாக தொடங்கியுள்ளது.
முந்தைய ஏழு சீசன்களையும் நடிகர் கமல்ஹாசன் தொகுத்து வழங்கியிருந்த நிலையில், இந்த முறை அவர் தனது சினிமா கமிட்மென்ட் காரணமாக விலகியதால், விஜய் சேதுபதி புதிய தொகுப்பாளராக களமிறங்கினார்.
ஆண்கள் vs பெண்கள் என்ற கருப்பொருளைக் கொண்ட இந்த ரியாலிட்டி ஷோவில் சினிமா மற்றும் தொலைக்காட்சி உலகில் இருந்து 18 பேர் போட்டியாளர்களாக களமிறக்கப்பட்டுள்ளனர்.
புதிதாக வடிவமைக்கப்பட்ட பிக்பாஸ் தமிழ் வீட்டில் 18 போட்டியாளர்கள் கூடி, ஒருவரையொருவர் முழுமையாக அறிமுகம் செய்துகொள்வதற்கு முன்பே, விஜய் சேதுபதி மற்றும் பிக்பாஸ் தமிழ் குழு ஒரு அதிர்ச்சிகரமான அறிவிப்பை வெளியிட்டுள்ளது.
பிக் பாஸ் சீசன் 8
பிக் பாஸ் சீசன் 8 போட்டியாளர்களின் பட்டியல்
பிக்பாஸ் தமிழ் சீசன் 8 போட்டியாளர்கள்: திரைப்பட தயாரிப்பாளர் ரவீந்தர் சந்திரசேகர், நடிகை சச்சனா நமிதாஸ், நடிகை தர்ஷா குப்தா, ஆங்கர் தீபக், ஆர்ஜே/நடிகை ஆனந்தி, நடிகை சுனிதா கோகாய், கானா பாடகர் ஜெஃப்ரி, நடிகர் சத்யா, நடிகர் ரஞ்சித், நடிகை பவித்ரா ஜனனி, நடிகை சௌந்தரியா நஞ்சுண்டன், நடிகை அருண் பிரசாத், நடிகை தர்ஷிகா, விஜே விஷால், நடிகை அன்ஷிதா, நடிகர் அர்னவ், நடிகர்/ஆங்கர் முத்துக்குமரன், நடிகை/ ஆங்கர் ஜாக்குலின்.
போட்டி தொடங்கிய முதல் நாளிலேயே அதிர்ச்சி கொடுக்கும் வகையில், "அடுத்த 24 மணி நேரத்தில், உங்களில் ஒருவர் வெளியேற்றப்படுவார்" என்று தொகுப்பாளர் விஜய் சேதுபதி கூறி அனைவரையும் அதிர வைத்துள்ளார்.
இதனால் முழு பிக் பாஸ் ஹவுஸ்மேட்களும் அதிர்ச்சியில் உறைந்துள்ளனர்.