பிக் பாஸ் தமிழ் சீசன் 8: நேற்று தனது நடிப்பால் ஹவுஸ்மேட்ஸை கவர்ந்த தர்ஷா
பிக் பாஸ் வீட்டில் ஆண்கள், பெண்கள் என்று குழுக்களாகப் பிரிக்கப்பட்டதால், அவர்களுக்கிடையில் உரசல்கள் மற்றும் சண்டைகள் அதிகமாக நிகழ்ந்து வருகின்றன, ஆனால் ஏதும் சுவாரசியமாக இல்லை என பார்வையாளர்கள் கருதுகிறார்கள். பொதுவாக வீட்டில் ரசிக்கும்படியான விஷயங்களை விட சின்ன சின்ன சண்டைகள் தான் மொத்தமாக நடந்து கொண்டிருக்கின்றன. இந்த நிலையில் நேற்று நடந்தவையை பார்க்கலாம்.
ஜாக்குலின் மற்றும் முத்து இடையேயான சண்டை:
தண்ணீர் எடுத்துக்கொள்ள அனுமதி கேட்க வேண்டும் என கண்டிஷன் விதித்த ஆண்கள் அணிக்கு எதிராக ஜாக்குலின் போர் கொடி தூக்கினர். "ஏன்..கேட்டு எடுக்கறதுல உங்களுக்கு என்ன ஈகோ?" என்று அவரை முத்து சீண்ட,"ஈகோன்னு பெரிய வார்த்தைல்லாம் ஏன் சொல்றீங்க?" என்று கொதித்தார் ஜாக்குலின். இதில் இருவருக்கும் வாக்குவாதம் முற்றியது. அடுத்து, தர்ஷா, ஆண்கள் அணிக்குச் சென்று, பெண்களுக்கு ஆதரவாக செயல்பட ஆரம்பித்தார். இதை கண்டு கொண்ட ஆண்கள், அவரை தவிர்த்தே டிஸ்கஷன் வைத்துக்கொள்ள வேண்டும் என விஷால் கூறினார். அதன்பின்னர் பட்ஜெட் பஞ்சாயத்துகள், ஆண்கள் அணியிலும் சண்டை இடுவதில் முழு நோக்கத்தை செலுத்தும் தர்ஷா என நேற்றை எபிசொட் சென்றது. பிக்பாஸ் நல்ல டாஸ்க் தந்தால் ஒழிய இந்த சீசனை கரையேற்றுவது கடினமே!
