பிக் பாஸ் புகழ் அக்ஷாரா ரெட்டியின் தாய் உயிரிழப்பு
பல்வேறு அழகிப் போட்டிகள் மற்றும் பிக்பாஸ் நிகழ்ச்சியில் பங்கேற்றது மூலம் பிரபலமடைந்த அக்ஷாரா ரெட்டியின் தாய், கௌரி சுதாகர் ரெட்டி சிறுநீரக பிரச்சனை காரணமாக அக்டோபர் 29ஆம் தேதி உயிரிழந்தார். அவருக்கு வயது 60. சமீபத்திய நாட்களில் சிறுநீரக பிரச்சனையால் அவதிப்பட்டு டயாலிசிஸ் செய்து வந்தவர், திடீரென மாரடைப்பு ஏற்பட்டு உயிரிழந்து விட்டதாக, அக்ஷாரா தன்னுடைய சமூக வலைதள பக்கத்தில் தெரிவித்துள்ளார். சிறு வயதிலேயே தன் தந்தையை இழந்த அக்ஷாரா, அவர் அண்ணனின் அரவணைப்பில் வளர்ந்த நிலையில், தற்போது அவர் தாயும் உயிரிழந்துள்ளார்.
அக்ஷாரா ரெட்டியின் சினிமா பயணம்
மிஸ் சூப்பர் குளோப் வேர்ல்ட் உள்ளிட்ட பல அழகி போட்டிகளில் வென்றுள்ள அக்ஷாரா, தமிழில் விஜய் டிவியில் ஒளிபரப்பான பிக்பாஸ் நிகழ்ச்சியின் ஐந்தாம் சீசனில் பங்கேற்றதின் மூலம் பிரபலமானார். தமிழில் 'காசு மேல காசு' என்ற திரைப்படம் மூலம் வெள்ளி திரையில் அறிமுகமானார். பின்னர் கன்னடத்தில் 'பில் கேட்ஸ்' என்ற திரைப்படத்திலும் நடித்தார். மேலும் விஜய் டிவியில் ஒளிபரப்பான 'வில்லா டூ வில்லேஜ்' என்ற ரியாலிட்டி நிகழ்ச்சிகளும் பங்கேற்றது குறிப்பிடத்தக்கது. இருப்பினும் பட வாய்ப்புகள் சரியாக அமையாததால் பிக்பாஸ் நிகழ்ச்சியில் பங்கேற்றிருந்தார். அவர் பிக்பாஸ் வீட்டுக்குள் 80 நாட்கள் இருந்தார்.
