பிரபல பாலிவுட் நடிகை ரேகாவின் அழகின் ரகசியம் வெளியாகியுள்ளது
பழம்பெரும் நடிகர் ஜெமினி கணேசன்- புஷ்பவல்லி தம்பதிகளுக்கு பிறந்தவர் ரேகா. இவரின் அழகை கண்டு பாலிவுட்டில் மயங்காதவர்கள் இல்லை. 68 வயதிலும், அவரது மேனி அழகை கண்டு பொறாமை கொள்கிறார்கள் எனக்கூறலாம். அப்படி, தனது சருமத்தை அவர் பேணிக்காக்கிறார். அது எப்படி என வியந்தவர்களுக்கான விடை இதோ இந்த செய்தியில் தெரிந்துகொள்ளலாம். தொடர்ந்து படியுங்கள்: ரேகாவை பற்றி அறிந்தவர்கள், அவருக்கு காஞ்சீபுரம் புடவை மிகவும் பிடிக்கும் என்பதை அறிவார்கள். எந்த ஒரு விழாவாக இருந்தாலும், காஞ்சிபுரம் பட்டு சேலையை மிகவும் நேர்த்தியாக உடுத்தி வருவார். நம் பாரம்பரிய உடையில், அவரின் அழகு மேலும் கூடுதலாகிறது. சரும பாதுகாப்பிற்கு அதிக முக்கியத்துவம் தருகிறார் ரேகா. கிலென்சிங், டோனிங், மாய்ச்சரைசிங், இந்த மூன்றையும் தவறாமல் கடைபிடிக்கிறார்.
உணவு கட்டுப்பாட்டை கடைபிடிக்கும் ரேகா
இரவு படுக்கும் முன், எவ்வளவு களைப்பாக இருந்தாலும், மேக்அப் அனைத்தையும் நீக்கி விட்டு தான் படுக்கைக்கு செல்வாராம். அவ்வப்போது, அரோமாதெரபியில் ஈடுபடுவாராம் ரேகா. அதாவது மூலிகை எண்ணெய்களை பயன்படுத்தி, தனது சருமத்தின் ஈரத்தன்மையை மேம்படுத்துதல். ரேகாவிடம், அவரின் அழகிய சருமத்தையும் தாண்டி கவனத்தை ஈர்ப்பது, அவரின் நீண்ட அடர்த்தியான கூந்தல். அதற்கென்று அவர் வீட்டில் தயார் செய்யும் ஒரு ஹேர் பேக் பயன்படுத்தவராம். அதில், முட்டை, தயிர் மற்றும் தேனின் கலவை அடங்கி இருக்குமாம். தினமும் 10-12 கிளாஸ் தண்ணீர் பருகுவதை கட்டாயமாக்கி உள்ளார் ரேகா. அதனோடு, கடினமான உணவு கட்டுப்பாட்டையும் பின்பற்றுகிறார். தினமும் 2 சப்பாத்தி, ஒரு கப் தயிர் சாப்பிடுவதை வழக்கமாக்கி உள்ளார் ரேகா.
