அவெஞ்சர்ஸ் டூம்ஸ்டே நடிகர்கள் விவரங்கள் வெளியானது: OG X-மென் முதல் ராபர்ட் டவுனி ஜூனியர் வரை
செய்தி முன்னோட்டம்
2026 ஆம் ஆண்டு வெளியாகவுள்ள ஹாலிவுட் படமான அவெஞ்சர்ஸ்: டூம்ஸ்டே படத்தின் நடிகர்கள் விவரங்களை மார்வெல் ஸ்டுடியோஸ் அறிவித்துள்ளது. புதன்கிழமை, இன்ஸ்டாகிராம் நேரடி ஒளிபரப்பில் பெயர்களை வெளிப்படுத்தியது மார்வெல். அறிவிப்புப்படி MCU-வில் மீண்டும் வரும் பல ஜாம்பவான்கள் இணைகிறார்கள். கிறிஸ் ஹெம்ஸ்வொர்த்தின் தோர், அந்தோணி மேக்கியின் கேப்டன் அமெரிக்கா, செபாஸ்டியன் ஸ்டானின் பக்கி பார்ன்ஸ், பால் ரூட்டின் ஆண்ட்-மேன் மற்றும் டாம் ஹிடில்ஸ்டனின் லோகி ஆகியோர் அவெஞ்சர்ஸ் குழுவில் மீண்டும் இணைந்துள்ளனர். அதோடு பல அசல் எக்ஸ்-மென் அவர்களுடன் இணைவார்கள் எனவும் தெரிவிக்கப்பட்டுள்ளது.
ட்விட்டர் அஞ்சல்
Twitter Post
#AvengersDoomsday. Now in production. pic.twitter.com/G84UVU8HOc
— Marvel Studios (@MarvelStudios) March 26, 2025
எக்ஸ்-மென்
ஹாலிவுட்டின் பிரபல X-Men
சமீப காலமாக டிஸ்னி மற்றும் மார்வெல் ஃபாக்ஸின் திரைப்பட நூலகத்தை கையகப்படுத்துவதைப் பயன்படுத்திக் கொள்ள முயல்கின்றன. ஃபாக்ஸின் 2000களின் முற்பகுதியில் வெளியான எக்ஸ்-மென் படங்களில் பேராசிரியர் எக்ஸ் வேடத்தில் நடித்த 84 வயதான பேட்ரிக் ஸ்டீவர்ட் மற்றும் அவரது பரம எதிரியான மேக்னெட்டோ வேடத்தில் நடித்த 85 வயதான இயன் மெக்கெல்லன் ஆகியோரும் டூம்ஸ்டே நடிகர்களாக உள்ளனர். ஹாங்க் பீஸ்ட் மெக்காய் வேடத்தில் நடித்த கெல்சி கிராமர், ரெபேக்கா ரோமிஜினின் மிஸ்டிக், ஜேம்ஸ் மார்ஸ்டனின் சைக்ளோப்ஸ் மற்றும் ஆலன் கம்மிங்கின் நைட் க்ராலர் ஆகியவையும் இணைகின்றன.
புதிய கதாபாத்திரங்கள்
MCUவில் இணையும் புதிய கதாபாத்திரங்கள்
மூத்த சூப்பர் ஹீரோக்களுடன், இன்னும் MCU-வில் அறிமுகமாகாத சிலரும் இப்படத்தில் இணைகிறார்கள். இந்த ஜூலை மாதம் வெளியாகும் Fantastic Four: First Steps தொடரில் Invisible Woman Sue Storm ஆக நடிக்கவிருக்கும் Vanessa Kirby இப்படத்தில் நடிக்கிறார். ரீட் ரிச்சர்ட்ஸ் ஆக பெட்ரோ பாஸ்கல், அவென்ஜர்ஸ்-ல் இணைவார். மேலும், 2021ஆம் ஆண்டு வெளியான ஷாங் சி அண்ட் தி லெஜண்ட் ஆஃப் தி டென் ரிங்க்ஸ் படத்தில் தலைப்பு கதாபாத்திரத்தில் நடித்த சிமு லியு நடிக்கிறார். அதே போல் பிளாக் பாந்தர்: வகாண்டா ஃபாரெவர் படத்தில் நீர்வாழ் எதிரியான நமோராக நடித்த டெனோச் ஹுர்டா மெஜியாவும், ஷூரியாக நடித்த லெட்டிடியா ரைட், வின்ஸ்டன் டியூக் ஆகியோரும் அவெஞ்சர்ஸ் படத்திற்குத் திரும்புவார்கள்.