விஜய் யேசுதாஸ் வீட்டில் திருட்டு சம்பவம்: புதியதாக ஒரு ட்விஸ்ட்
செய்தி முன்னோட்டம்
பாடகர் விஜய் யேசுதாஸ் வீடு, சென்னை அபிராமபுரத்தில் உள்ளது. அங்கு வைத்திருந்த 60சவரன் நகைகளை காணவில்லை என, விஜய் யேசுதாஸின் மனைவி தர்ஷனா, காவல்நிலையத்தில் புகார் அளித்திருந்தார்.
அவரும் தனது வீட்டில் இருக்கும் பணியாட்கள் மீது தான் சந்தேகம் என தெரிவித்துள்ளதாக செய்திகள் கூறுகின்றன.
தர்ஷனா, சென்ற டிசம்பர் மாதம் நகைகளை செக் செய்து வீட்டின் லாக்கரில் வைத்ததாகவும், மீண்டும் பிப்ரவரி மாதம் அதை சரிபார்க்க சென்றபோது, அவற்றை காணவில்லை எனவும் புகாரில் தெரிவிக்கப்பட்டது.
இதனை தொடர்ந்து, வீட்டில் இருந்த பணியாட்கள் 9 பேரிடம் போலீசார் விசாரணை நடத்தி வருகின்றனர்.
அதில் எந்த ஒரு தகவலும் கிடைக்காதால், போலீசார் குழம்பி உள்ளனர்.
விஜய் யேசுதாஸ்
ஐஸ்வர்யா ரஜினிகாந்த் டிரைவருக்கு தொடர்பா?
இதனிடையே, ஐஸ்வர்யா ரஜினிகாந்த் வீட்டின் திருட்டு வழக்கில் சம்மந்தப்பட்ட டிரைவர் வெங்கடேஷ் மீது போலீசார் பார்வை திரும்பியுள்ளது.
அதற்கு காரணம், ஐஸ்வர்யாவிடம் வேலைக்கு சேரும் முன்னர், அவர், விஜய் யேசுதாஸ் வீட்டில் தான் டிரைவராக வேலை பார்த்து வந்துள்ளார்.
தற்போது வரை, அவ்வப்போது டெம்பரரி டிரைவராகவும், விஜய் யேசுதாஸ் வீட்டிற்கு செல்வாராம்.
தனுஷ்-ஐஸ்வர்யா தம்பதியினர், விஜய் யேசுதாஸ் குடும்பத்திற்கு நெருக்கமானவர்கள். இருவரின் பிள்ளைகளும் ஒரே பள்ளியில் தான் படிக்கின்றனர்.
அதனால், இந்த கோணத்திலும் போலீசார் விசாரணையை தொடங்க முடிவு செய்துள்ளார் போலீசார்.
தற்போது பாடகர் விஜய் யேசுதாஸ் வெளிநாடு சென்றிருப்பதால், அவர் வந்ததும், அவரிடமும் விசாரணை செய்ய போலீசார் முடிவு செய்துள்ளனர்.