இந்தியன் 2 தந்த அடி: இந்தியன் 3 நேரடியாக OTT யில் வெளியிட திட்டமா?
இயக்குனர் ஷங்கர் இயக்கத்தில் கமல் நடிப்பில், ரசிகர்கள் மிகவும் எதிர்பார்த்த திரைப்படம் இந்தியன் 2. ஆனால், படத்தினை பார்த்த பின்னர், ரசிகர்கள் பலதரப்பட்ட எதிர்மறை விமர்சனங்களை வைத்தனர். அதனால் படமும் வசூலை குவிக்கவில்லை. இந்தியன் 2 படத்திலேயே அதன் அடுத்த பாகத்திற்கான டீசரையும் படக்குழுவினர் இணைத்திருந்தனர். ஒப்பீட்டளவில் 2ஆம் பாகத்தை விட, 3 ஆம் பாகம் சற்று சுவாரசியமாக இருக்கக்கூடும் என ரசிகர்கள் தெரிவித்து வந்தனர். இந்தியன் 3 படத்தின் ஷூட்டிங்கும் நிறைவுற்றதாகவும், அடுத்தாண்டு இப்படம் வெளியாகும் எனவும், அதற்கான போஸ்ட் ப்ரொடக்ஷன் பணிகள் நடைபெறுவதாக கூறப்பட்டது.
ஓடிடியில் நேரடியாக வெளியிட திட்டம்
இந்தியன் 2 தந்த நஷ்டத்தில், தற்போது இந்தியன் 3 படத்தினை வாங்க தியேட்டர் உரிமையாளர்கள் முன்வரமாட்டார்கள் எனவும், அதனால் இப்படத்தினை நேரடியாக ஓடிடியில் வெளியிட படக்குழுவினர் திட்டமிட்டுள்ளதாக ஊடக செய்திகள் தெரிவிக்கின்றனர். எனினும் இது குறித்து அதிகாரபூர்வ அறிவிப்பு வெளியாகவில்லை. இந்தியன் 3 படத்தில் வீரசேகரனாக கமல்ஹாசனும், தக்ஷயினி என்ற விடுதலை போராட்ட பெண்மணியாக காஜல் அகர்வாலும் நடிக்கின்றனர். இப்படத்திற்கும் இசையமைத்திருப்பது அனிருத்
