பர்த்டே ஸ்பெஷல்: 'சண்டக்கோழி' நடிகை மீரா ஜாஸ்மின் பிறந்தநாள் இன்று!
செய்தி முன்னோட்டம்
90 'ஸ் கிட்ஸ்களின் இதயத்தில் இடம் பிடித்த ஹீரோயினிகளில் மீரா ஜாஸ்மினும் ஒருவர்.
ரன் படத்தில் அமைதியான நடிப்பாலும், அழகாலும் வசீகர்த்தவர் மீரா ஜாஸ்மின்.
2000ன் தொடக்கத்தில், சண்டக்கோழி, நேபாளி போன்ற படங்களில், தன் துறுதுறு நடிப்பின் மூலம் அனைவரையும் கவர்ந்த நடிகை மீரா ஜாஸ்மினின் பிறந்தநாள் இன்று.
அவரை பற்றிய ஒரு சிறு தொகுப்பு:
மலையாள படவுலகில் தான், முதலில் மீரா ஜாஸ்மின் அறிமுகம் ஆனார். 'சூத்ரதாரன்' என்ற இந்த படத்தை இயக்கிவர் லோஹிததாஸ்.
பின்னர் பல வெற்றி படங்களை மலையாளத்தில் நடித்த மீரா, 'பாடம் ஒன்னு;ஒரு விலபம்' படத்திற்காக மலையாளத்தில் தேசிய விருது வாங்கினார்.
இந்நிலையில், தமிழில், 'ரன்' படத்தின் மூலம் லிங்குசாமியால் அறிமுகம் செய்யப்பட்டார்.
தமிழ் சினிமா
கம்பேக் தரும் மீரா ஜாஸ்மின்
தொடர்ந்து, விஜய் மற்றும் அஜித்திற்கு ஜோடியாக முறையே "புதிய கீதை", "ஆஞ்சநேயா" போன்ற படங்களில் தோன்றினார்.
பின்னர், மீண்டும் விஷாலுக்கு ஜோடியாக 'சண்டக்கோழி' படத்தில் நடித்தார். அவரின் துறுதுறு நடிப்பு அனைவராலும் பாராட்டப்பட்டது.
பின்னர், கஸ்தூரிமான் என்ற படத்தில் நடித்து, தனது நடிப்பினால் அனைவரையும் திகைக்க வைத்தார்.
தமிழக அரசின் சார்பாக மாநில விருதுகளும், கலைமாமணி விருதும் அவருக்கு வழங்கப்பட்டது.
2014ஆம் ஆண்டு துபாயைச் சேர்ந்த அனில் ஜான் டைட்டஸை திருமணம் செய்து கொண்ட மீரா, சில மலையாளப் படங்களில் மட்டுமே அவ்வப்போது நடித்து வந்தார்.
அவரின் பிறந்த நாளான இன்று, வெளியான அறிவிப்பின் படி, 9 வருட இடைவேளைக்கு பிறகு, தமிழ் சினிமாவிற்கு 'விமானம்' படம் மூலம் ரீ-என்ட்ரி தரவுள்ளார்.