9 வருடங்கள் கழித்து தமிழில் ரீ -என்ட்ரி ஆகும் மீரா ஜாஸ்மின்
தமிழ் சினிமாவில், உச்சத்தில் இருக்கும்போதே திரைத்துறையை விட்டு ஒதுங்கிய பிரபல நடிகைகளில் மீரா ஜாஸ்மினும் ஒருவர். மாதவனுடன் 'ரன்' படம் மூலமாக தமிழில் அறிமுகம் ஆன மீரா ஜாஸ்மின், தொடர்ந்து, புதிய கீதை, ஜி, சண்டகோழி, கஸ்தூரி மான், ஆயுத எழுத்து போன்ற பல படங்களில் நடித்தார். 2014-இல் வெளிவந்த 'விஞ்ஞானி' என்ற திரைப்படம் தான் அவர் தமிழில் நடித்த கடைசி திரைப்படம். தற்போது, 9 வருட இடைவேளைக்கு பிறகு, தமிழ் சினிமாவிற்கு 'விமானம்' படம் மூலம் ரீ-என்ட்ரி தரவுள்ளார். இன்று அவரது பிறந்தநாள். இதை முன்னிட்டு அந்த படக்குழு இந்த சர்ப்ரைஸ் செய்தியை அறிவித்துள்ளது. மேலும், இந்த படம், தமிழ் மற்றும் தெலுங்கு மொழியில் உருவாகி வருவதாகவும் தெரிவிக்கப்பட்டுள்ளது.
