ரூ.2.30 கோடிக்கு நடிகர் விஜய் வாங்கியுள்ள புது கார்; இணையத்தில் ட்ரெண்ட் ஆகும் தகவல்
செய்தி முன்னோட்டம்
நடிகர் விஜய் சமீபத்தில் புதிய சொகுசு கார் ஒன்றை வாங்கியுள்ளார் என தகவல் வெளியாகியுள்ளது.
ஆட்டோமொபைல் மார்க்கெட்டின் புதிய வரவான பிஎம்டபிள்யூ நிறுவனத்தின் i7 xDrive 60 எலெக்ட்ரிக் ரக காரை விஜய் வாங்கியுள்ளார்.
அதன் மதிப்பு ரூ.2 முதல் ரூ.2.30 கோடி வரை இருக்கும் எனவும் கூறப்படுகிறது. அதன் விலையை கருத்தில் கொண்டு, இந்தியாவில் இந்த ரக கார்கள் வெகு பிரபலங்களிடமே உள்ளது.
தற்போது அந்த எலைட் லிஸ்ட்டில் நடிகர் விஜய்யும் இணைந்துள்ளார். நடிகர் விஜய் மார்க்கெட்டில் புதிதாக வரும் கார்களை வாங்கும் பழக்கம் கொண்டவர்.
சமீபத்தில் கூட, வெளிநாட்டிலிருந்து இறக்குமதி செய்யப்பட்ட கார் ஒன்றிற்கு வரி கட்டவேண்டி வழக்கை சந்தித்தார் என்பது நினைவிருக்கலாம்.
card 2
கார் பிரியரான விஜய்
நடிகர் விஜயிடம் பல வகையான சொகுசு கார்கள் உள்ளது. குறிப்பாக ரோல்ஸ் ராய்ஸ் கோஸ்ட், மினி கூப்பர் எஸ், ஆடி ஏ8 உள்பட பல பாரின் கார்கள் அவரது இல்லத்தில் அணிவகுத்து நிற்கின்றன.
இந்த நிலையில் தான், இந்த பட்டியலில் மேலும் ஒரு புதிய எண்ட்ரியாக, பிஎம்டபுள்யூ-ஐ7 xDrive 60 எலெக்ட்ரிக் காரும் இணைந்துள்ளது.
நடிகர் விஜய் வாங்கி உள்ள முதல் எலெக்ட்ரிக் மாடல் காரும் இதுவே என்பதும் குறிப்பிடத்தக்கது.
தற்போது நடிகர் விஜய் GOAT - கிரேடஸ்ட் ஆஃப் ஆல் டைம் என்ற படத்தில், வெங்கட் பிரபு இயக்கத்தில் நடித்து வருகிறார்.
விஜயின் திரை பயணத்தில் இதுதான் அதிக பட்ஜெட் படம் எனவும் கூறப்படுகிறது. இப்படத்தில் இரட்டை வேடத்தில் நடிக்கிறார் விஜய்