'குறி வச்சா இரை விழணும்'; வேட்டையன் பட டப்பிங் பணிகளை தொடங்கினார் நடிகர் ரஜினிகாந்த்
செய்தி முன்னோட்டம்
வேட்டையன் படத்திற்கான டப்பிங் பணிகளை நடிகர் ரஜினிகாந்த் தொடங்கியுள்ளதாக லைகா புரடக்ஷன்ஸ் அறிவித்துள்ளது.
ஜெய் பீம் படம் மூலம் புகழ்பெற்ற இயக்குனர் ஞானவேல் இயக்கத்தில் நடிகர் ரஜினிகாந்த் நடிப்பில் வேட்டையன் படம் தயாராகி வருகிறது. இந்த படத்தை லைகா புரடக்ஷன்ஸ் தயாரித்து வருகிறது.
இந்த படத்தில் ரஜினிகாந்துடன் அமிதாப் பச்சன், ஃபகத் ஃபாசில், ராணா, மஞ்சு வாரியர், துஷாரா விஜயன் உள்ளிட்ட பலரும் நடித்துள்ளனர்.
தமிழ், தெலுங்கு, ஹிந்தி மற்றும் கன்னடம் ஆகிய மொழிகளில் வெளியாக உள்ள இந்த படம் அக்டோபர் 10 அன்று திரைக்கு வர உள்ளதாக படக்குழு அதிகாரப்பூர்வமாக அறிவித்துள்ளது.
இதையொட்டி படத்தின் இறுதிக்கட்ட பணிகளை படக்குழு தீவிரமாக மேற்கொண்டு வருகிறது.
டப்பிங்
படத்திற்கான டப்பிங் பணிகள் மும்முரம்
படத்தில் நடித்துள்ள மஞ்சு வாரியர் மற்றும் துஷாரா விஜயன் ஆகியோர் ஏற்கனவே டப்பிங் பணிகளை முடித்துள்ள நிலையில், தற்போது நடிகர் ரஜினிகாந்த் தனது டப்பிங் பணிகளை தொடங்கியுள்ளார்.
இதையொட்டி நடிகர் ரஜினிகாந்த் டப்பிங்கில் ஈடுபடும் காட்சிகளை ஒரு காணொளியாக தனது எக்ஸ் பக்கத்தில் வெளியிட்டுள்ளது.
அந்த காணொளியில், நடிகர் ரஜினிகாந்த் இயக்குனர் ஞானவேலை குறிப்பிட்ட சில காட்சிகளுக்காக பாராட்டுவதுபோல் இருப்பதோடு, இறுதியில், 'குறி வச்சா இரை விழணும்' என ரஜினிகாந்த் கூறி முடிப்பதுபோல் உள்ளது.
இதற்கிடையே, ரஜினிகாந்தின் வேட்டையன் வெளியாகும் அதே அக்டோபர் 10 அன்று நடிகர் சூர்யாவின் கங்குவா படமும் வெளியாக உள்ளது குறிப்பிடத்தக்கது.
ட்விட்டர் அஞ்சல்
லைகா புரடக்ஷன்ஸ் எக்ஸ் பதிவு
Kuri Vechha… Erai Vizhanum. 🦅 Superstar @rajinikanth at the dubbing session. 🎙️ Watchout VETTAIYAN 🕶️ is on the way. 🔥
— Lyca Productions (@LycaProductions) August 31, 2024
Releasing on October 10th in Tamil, Telugu, Hindi & Kannada!#Vettaiyan 🕶️ @rajinikanth @SrBachchan @tjgnan @anirudhofficial @LycaProductions #Subaskaran… pic.twitter.com/BUDMuC5jeq