நடிகர் காளிதாஸ் ஜெயராமிற்கு விரைவில் திருமணம்; முதல் பத்திரிகை முதல்வருக்கு தரப்பட்டது
செய்தி முன்னோட்டம்
நடிகர் காளிதாஸ் ஜெயராமிற்கு திருமண தேதி குறித்தாகிவிட்டது. திருமணத்திற்கான வேலைகளும் சிறப்பாக நடைபெற்று வருகிறது. இன்னும் தேதி மற்றும் இடம் பற்றி விவரங்கள் அதிகாரபூர்வமாக அறிவிக்கப்படவில்லை என்றாலும், பத்திரிகை விநியோகம் துவங்கி விட்டதை காளிதாஸ் தனது இன்ஸ்டா பக்கத்தில் பதிவிட்டுள்ளார். முதல் பத்திரிகையை தமிழக முதல்வர் மு.க.ஸ்டாலினுக்கு வழங்கியுள்ளனர். அப்போது உடன் துர்கா ஸ்டாலினும் இருந்தார். நடிகர் காளிதாஸ், அவருடைய நீண்ட நாள் காதலி தாரிணி காளிங்கராயரை மணமுடிக்கவுள்ளார். அவர் ஒரு மாடல் அழகி ஆவார்.
நிச்சயதார்த்தம்
சென்ற ஆண்டு நடந்து முடிந்த நிச்சயதார்த்தம்
காளிதாஸ் ஜெயராம் போல் அவருடைய காதலி தாரிணியும் பிரபல மாடல் ஆவார். இவர் 2019ம் ஆண்டு மிஸ் தமிழ்நாடு பட்டம் வென்றவர் மற்றும், 2021 ஆம் ஆண்டின் மிஸ் யுனிவர்ஸ் இந்தியா போட்டியில் பங்கேற்றவர். மாடலாக மட்டும் இல்லாமல் விளம்பரங்களில் நடித்தும் பிரபலமானவர் தாரிணி. இவர் தீபிகா படுகோனுடன் இணைந்து விளம்பரங்களிலும் நடித்துள்ளார். காளிதாஸிற்கும், தாரிணிக்கும் கடந்த 2023 ஆம் ஆண்டு நிச்சயதார்த்தம் நடந்தது. காளிதாஸ் கடைசியாக ராயன் படத்தில் நடித்திருந்தார். அப்படத்தில் அவரின் நடிப்பு பலராலும் பாராட்டப்பட்டது.
ட்விட்டர் அஞ்சல்
Twitter Post
மாண்புமிகு முதலமைச்சர் திரு. @mkstalin அவர்களை திரைப்பட நடிகர் திரு. ஜெயராம் அவர்கள் மனைவியுடன் சந்தித்து தனது மகன் திரு. காளிதாஸ் ஜெயராம் திருமண விழாவிற்கான அழைப்பிதழை வழங்கினார். pic.twitter.com/xGe8zchPrl
— CMOTamilNadu (@CMOTamilnadu) October 9, 2024