ஆயுள் முழுவதும் Subway சான்ட்விச், வெளியான சூப்பர் அறிவிப்பு
பிரபல பாஸ்ட்-ஃபூட் உணவாகமான Subway, உலகெங்கும் பல நகரங்களில் இயங்கி வருகிறது. அமெரிக்காவை தலைமையிடமாக கொண்டு செயல்படும் இந்த உணவகம், அவ்வப்போது வேடிக்கையான அறிவிப்புகளையும், சலுகைகளையும் வெளியிடும். சமீபத்தில் ஒரு வாடிக்கையாளரின் ஆயுள் முழுவதற்குமான இலவச சான்ட்விச்களைப் பெறுவதற்கான வாய்ப்பு அறிவித்தது. அதன்படி, எவர் ஒருவர், தங்கள் முதல் பெயரை "சப்வே" என்று சட்டப்பூர்வமாக மாற்ற முடிவு செய்யும் செய்கிறார்களோ, அவர்களின் வாழ்நாள் முழுவதும் இலவச சான்ட்விச்களை வெல்லும் வாய்ப்பை பெறுவார்கள் என அறிவித்துள்ளது. மேலும் இந்த சலுகையை பெற விண்ணப்பிப்பவர்களின் சட்டபூர்வ பெயர்மாற்ற ரெஜிஸ்ட்ராக்ஷன் செலவுகளை அந்நிறுவனமே ஏற்கும் என அறிவித்துள்ளது. இதற்காக வாடிக்கையாளர்கள் செய்யவேண்டியது, SubwayNameChange.com என்ற இணையதளத்திற்கு சென்று, ஆகஸ்ட் 1 முதல் 4 வரை விண்ணப்பத்தை சமர்ப்பிக்கவும்.
ஆனால் இந்த சலுகை இந்தியாவில் இல்லை!
இந்த சட்டபூர்வ பெயர் மாற்றத் திற்கு $750 (ரூ. 62,000) சட்டக் கட்டணமாகும். இந்த விண்ணப்பத்தோடு உங்கள் புதிய, அதிகாரப்பூர்வ பெயருக்கான ஆதாரத்தைக் காட்ட உங்களுக்கு நான்கு மாதங்கள் அவகாசம் இருக்கும். எ னினும், இந்த சலுகை அமெரிக்க குடிமக்களுக்கானது. இந்தியாவில் இல்லை! ஒருவேளை, அனைத்து நிபந்தனைகளும் பூர்த்தி ஆகி நீங்கள் தேர்வு செய்யப்பட்டால், Subwayஇன், டெலி ஹீரோஸ் சான்ட்விச்சை உங்கள் வாழ்நாள் முழுவதும் இலவசமாக வெல்லலாம்! சப்வே நிறுவனம் இது போன்ற வேடிக்கையான மார்க்கெட்டிங் முறைகளை கடைபிடிப்பது இது முதல் முறை அன்று. 2022 ஆம் ஆண்டில், சப்வே சீரிஸ் லோகோவை பச்சை குத்துபவர்களுக்கு இலவச சான்ட்விச்களை வழங்குவதாக நிறுவனம் அறிவித்தது.
