சைபர் தாக்குதலுக்கு உள்ளான உலகின் பெரிய வங்கியான சீனாவைச் சேர்ந்த ICBC
செய்தி முன்னோட்டம்
உலகில் அதிக சொத்து நிர்வாகத்தை கொண்ட சீன வங்கியான ICBC-யின் (Industrial and Commercial Bank of China) அமெரிக்கப் பிரிவானது, சைபர் தாக்குதலுக்கு உள்ளாகியிருக்கிறது. இதனைத் தொடர்ந்து பாதிக்கப்பட்ட சாதனங்களின் இணைப்பைத் துண்டித்து, யுஎஸ்பி டிரைவ் மூலமாக தேவையான தகவல்களை பரிவர்த்தனையை மேற்கொண்டிருக்கின்றனர்.
ரஷ்யாவுடன் தொடர்புடைய லாக்பிட் என்ற ஹேக்கர்கள் குழுவே இந்த சைபர் தாக்குதலுக்கு காரணமாக இருக்கலாம் எனக் கூறப்படுகிறது. இந்த ஹேக்கர்கள் குழுமே முன்பு, போயிங் மற்றும் யுகேயின் ION வர்த்தக நிறுவனம் உள்ளிட்டவற்றின் சைபர்தாக்குதல்களிலும் ஈடுபட்டிருந்தது குறிப்பிடத்தக்கது.
பெருவங்கிகளும் சைபர் தாக்குதலுக்கு உள்ளாகலாம் என இந்த சம்பவம் சுட்டிக்காட்டியிருப்பதாகவும், உலகின் பெரிய வங்கிகள் தங்களுடைய சைபர் பாதுகாப்பை மறுபரிசீலனை செய்ய வேண்டிய நேரம் இது எனவும் தெரிவித்திருக்கின்றனர்.
சைபர்தாக்குதல்
சீன பாதுகாப்பு அமைச்சகத்தின் உதவியை நாட பரிசீலனை:
"உலகில் இருக்கும் பெரிய வங்கிகளுக்கு இது ஒரு அதிர்ச்சியளிக்கக்கூடிய சம்பவமாக இருக்கும்" எனத் தெரிவித்துள்ளார் ஸ்வீடனைச் சேர்ந்த ட்ரூசெக் என்ற சைபர் பாதுகாப்பு நிறுவனத்தின் நிறுவனர் மார்க்கஸ் முர்ரே.
மேலும், இன்று முதல் உலகின் பெரிய வங்கிகள் தங்களது சைபர் பாதுகாப்பை இன்னும் வழுவாக்கும் நடவடிக்கைகளில் ஈடுபடத் தொடங்கும் எனவும் தெரிவித்துள்ளார் அவர்.
அமெரிக்க பிரிவில் நடைபெற்ற சைபர் தாக்குதலையடுத்து தங்களுடைய பிற கிளைகளில் இது போன்ற பிரச்சினைகள் ஏற்படாமல் தடுக்க அடுத்த கட்ட நடவடிக்கைகள் எடுக்கப்பட்டு வருவதாகத் தெரிவித்திருக்கிறது ICBC வங்கியின் பீஜிங்கில் உள்ள தலைமை அலுவலகம்.
மேலும், சீன பாதுகாப்பு அமைச்சகத்தின் உதவியை நாடுவது குறித்தும் அவ்வங்கி நிர்வாகம் பரிசீலனை செய்து வருவதாகத் தகவல் வெளியாகியிருப்பது குறிப்பிடத்தக்கது.