மறுசீரமைப்பு முயற்சிகளுக்கு மத்தியில் ஊழியர்களை பணிநீக்கம் செய்கிறது பேடிஎம்
பிரபல ஃபின்டெக் நிறுவனமான பேடிஎம்-இன் தாய் நிறுவனமான One97 கம்யூனிகேஷன்ஸ் நிறுவனம், தனது மறுசீரமைப்புத் திட்டத்தின் ஒரு பகுதியாக அதன் பணியாளர்களை குறைப்பதாக அறிவித்துள்ளது. எனினும், இந்த முடிவால் பாதிக்கப்பட்ட ஊழியர்களின் சரியான எண்ணிக்கை வெளியிடப்படவில்லை. பாதிக்கப்பட்டவர்களுக்கு ஒரு சுமூகமான மாற்றத்தை உறுதி செய்வதற்காக, அவுட்பிளேஸ்மென்ட் ஆதரவை வழங்குவதாக நிறுவனம் உறுதியளித்துள்ளது. கடந்த மே மாதம் மறுசீரமைப்பு திட்டத்தை இந்நிறுவனத்தின் CEO விஜய் சேகர் சர்மா அறிவித்த பிறகு இந்த நடவடிக்கை எடுக்கப்பட்டுள்ளது.
ஒழுங்குமுறை தாக்கத்தால் Paytm இன் பணியாளர்கள் குறைக்கப்பட்டனர்
கடந்த மார்ச் 2024 காலாண்டில், Paytm இன் விற்பனை ஊழியர்களின் எண்ணிக்கை சுமார் 3,500 குறைக்கப்பட்டது. இதனால் நிறுவனத்தின் ஊழியர்களின் மொத்த எண்ணிக்கையை 36,521 ஆகக் கொண்டு வந்தது. Paytm Payments வங்கி வழங்கும் சேவைகளுக்கு இந்திய ரிசர்வ் வங்கி (RBI) விதித்துள்ள ஒழுங்குமுறைத் தடையே இந்தக் குறைப்புக்குக் காரணம் என அப்போது கூறப்பட்டது. மார்ச் 15 முதல் நடைமுறைக்கு வந்த இந்தத் தடையானது, எந்தவொரு வாடிக்கையாளர் கணக்குகள், பணப்பைகள் மற்றும் FASTags ஆகியவற்றில் டெபாசிட்கள், கடன் பரிவர்த்தனைகள் அல்லது டாப்-அப்களை ஏற்றுக்கொள்வதற்கு தடை விதித்தது.
பாதிக்கப்பட்ட ஊழியர்களுக்கு வேலை வாய்ப்பு ஆதரவு
அவுட்ப்ளேஸ்மென்ட் ஆதரவை வழங்குவதாக One97 கம்யூனிகேஷன்ஸ் உறுதியளித்துள்ளது. நிறுவனத்தின் மனித வளக் குழுக்கள் தற்போது பணியமர்த்தப்படும் 30க்கும் மேற்பட்ட நிறுவனங்களுடன் தீவிரமாக ஒத்துழைத்து வருகின்றன. அவர்கள் தங்கள் தகவலைப் பகிரந்ததும், தேர்வுசெய்த ஊழியர்களுக்கு உதவிகளை வழங்குகிறார்கள். அவர்களின் உடனடி பணியிடத்தை உறுதி செய்து தருகிறார்கள் என நிறுவனம் கூறியுள்ளது. கூடுதலாக, Paytm ஊழியர்களுக்கான போனஸ்களை வழங்குவதாக உறுதி செய்துள்ளது. இதன்மூலம் நிறுவனத்தின் செயல்பாட்டில் நேர்மை மற்றும் வெளிப்படைத்தன்மையை உறுதி செய்கிறது.
