ரத்தன் டாடாவின் வாரிசான நோயல் டாடா, Tata Sons தலைவராக ஆக முடியாது; ஏன் தெரியுமா?
கடந்த 2022ல் ரத்தன் டாடா உருவாக்கிய ஒரு விதியின் காரணமாக நோயல் டாடா, டாடா சன்ஸ் தலைவராக ஆக முடியாது. மூத்த தொழிலதிபர் ரத்தன் டாடாவின் மறைவுக்குப் பிறகு, அவரது ஒன்றுவிட்ட சகோதரர் நோயல் டாடா டாடா டிரஸ்ட்களின் தலைவராக நியமிக்கப்பட்டார். டாடா குழுமம் இப்போது அவரது கட்டுப்பாட்டில் இருக்கும் என்று அவர் பெயர் பரிந்துரைக்கப்பட்டது. இருப்பினும், டாடா சன்ஸ் குழுவின் தலைவராக நோயல் டாடா ஒருபோதும் இருக்க முடியாது. இந்த டாடா சான்ஸ் குழு தான் ஒரு டஜன் டாடா நிறுவனங்களைக் கட்டுப்படுத்துகிறது.
ரத்தன் டாடா இயற்றிய விதி
2022 ஆம் ஆண்டில், ரத்தன் டாடாவின் தலைமையில், டாடா குழுமம் மோதல்களைத் தடுக்க ஒரு விதியை இயற்றியது. அதன்படி, டாடா அறக்கட்டளைகள் மற்றும் டாடா சன்ஸ் ஆகிய இரண்டிற்கும் ஒரே நேரத்தில் எந்த ஒரு தனிநபரும் தலைவராக இருக்க முடியாது என டாடா சன்ஸ் அதன் சங்கப் பிரிவுகளைத் திருத்தியது. நோயல் டாடா தற்போது டாடா அறக்கட்டளையின் தலைவராக இருப்பதால், அவரை டாடா சன்ஸ் தலைவராக நியமிக்க முடியாது. டாடா குடும்பத்தில் ஒரே நேரத்தில் இரண்டு பதவிகளையும் வகித்த கடைசி உறுப்பினர் ரத்தன் டாடா என்பது குறிப்பிடத்தக்கது.
நோயல் டாடா, டாடா சன்ஸ் தலைவராக தடை
டாடா சன்ஸ் தலைவராக நோயல் டாடா தடைகளை எதிர்கொள்வது இது முதல் முறை அல்ல. டைம்ஸ் ஆஃப் இந்தியாவின் கருத்துப்படி, 2011இல், ரத்தன் டாடாவின் ராஜினாமாவைத் தொடர்ந்து, நோயல் டாடா டாடா சன்ஸ் தலைவர் ஆகலாம் என்று விவாதங்கள் நடந்து கொண்டிருந்தபோது, அதற்குப் பதிலாக நோயல் டாடாவின் மைத்துனரான சைரஸ் மிஸ்திரிக்கு அந்தப் பதவி வழங்கப்பட்டது. 2019 ஆம் ஆண்டில், சர் ரத்தன் டாடா அறக்கட்டளையின் அறங்காவலராக நோயல் டாடா நியமிக்கப்பட்டபோது, அவரை டாடா சன்ஸ் தலைவராக நியமிப்பது குறித்து பேச்சுக்கள் நடந்தன. அதேபோல, 2022ல், சர் டோராப்ஜி டாடா அறக்கட்டளையின் அறங்காவலரானபோது, அவருக்கு மீண்டும் டாடா சன்ஸ் தலைவர் பதவி வழங்கப்படவில்லை.
