₹2.6 லட்சம் கோடி சந்தை மூலதனம்; உலகின் மிகவும் மதிப்புமிக்க ஸ்டீல் நிறுவனமான மாறியது ஜேஎஸ்டபிள்யூ
செய்தி முன்னோட்டம்
ஜேஎஸ்டபிள்யூ ஸ்டீல் லிமிடெட், உலகளாவிய ஜாம்பவான்களான ஆர்செலர் மிட்டல் மற்றும் நிப்பான் ஸ்டீலை விஞ்சி, சந்தை மூலதனத்தில் உலகின் மிகவும் மதிப்புமிக்க ஸ்டீல் நிறுவனமாக மாறியுள்ளது.
நிறுவனத்தின் பங்குகள் 2025 ஆம் ஆண்டில் 18% உயர்ந்து, அதன் சந்தை மூலதனத்தை கணிசமாக உயர்த்தியுள்ளன.
தற்போது, நிஃப்டி 50 குறியீட்டில் அதிக லாபம் ஈட்டிய நிறுவனங்களில் ஜேஎஸ்டபிள்யூ ஸ்டீல் ஒன்றாகும். இது தொழில்துறையில் அதன் ஆதிக்கத்தை வலுப்படுத்துகிறது.
₹2.6 லட்சம் கோடி சந்தை மூலதனத்துடன், ஜேஎஸ்டபிள்யூ ஸ்டீல் ₹1.95 லட்சம் கோடியாக இருக்கும் டாடா ஸ்டீல் உள்ளிட்ட அதன் இந்திய போட்டியாளர்களை முந்தியுள்ளது.
இந்த சாதனை ஸ்டீல் துறையில் உலகளவில் முதன்மை நிறுவனமாக ஜேஎஸ்டபிள்யூ ஸ்டீலின் நிலையை உறுதிப்படுத்துகிறது.
பங்கு விலை
ஜேஎஸ்டபிள்யூ ஸ்டீல் லிமிடெட் பங்கு விலை
நிறுவனத்தின் வலுவான பங்கு செயல்திறன் இன்வெஸ்டெக் போன்ற தரகு நிறுவனங்களிடமிருந்து நேர்மறையான விமர்சனங்களையும் பெற்றுள்ளது.
இது ஒரு பங்கிற்கு ₹1,100 விலை இலக்குடன் வாங்குவதற்கான சிறந்த மதிப்பீட்டை வழங்கியுள்ளது.
இருப்பினும், சமீபத்திய வர்த்தக அமர்வில் ஜேஎஸ்டபிள்யூ ஸ்டீல் லிமிடெட் ஸ்டீலின் பங்கு 0.15% குறைந்து ₹1,059.8 ஆக சற்று சரிந்து நிறைவடைந்தது.
எதிர்காலத்தைப் பொறுத்தவரை, ஜேஎஸ்டபிள்யூ ஸ்டீல் அதன் மொத்த உற்பத்தியில் மதிப்பு கூட்டப்பட்ட பொருட்களின் உற்பத்தியை 50%-60% ஆக அதிகரிக்க இலக்கு வைத்துள்ளது.
செயல்பாட்டுத் திறனை மேம்படுத்த இரும்புத் தாது மற்றும் கோக்கிங் நிலக்கரி போன்ற மூலப்பொருட்களைப் பாதுகாப்பதிலும் கவனம் செலுத்துகிறது.
மேலும், 2030இல் 51 மில்லியன் டன்கள் உற்பத்தித் திறன் இலக்கை நிர்ணயம் செய்துள்ளது.