பீட்சா ஹட் நிறுவனத்தின் இணை நிறுவனர் டான் கார்னி காலமானார்
செய்தி முன்னோட்டம்
உலகப் புகழ்பெற்ற 'பிட்சா ஹட்' உணவகத்தின் இணை நிறுவனரும், தொழிலதிபருமான டான் கார்னி தனது 95-வது வயதில் காலமானார். விச்சி மாநிலப் பல்கலைக்கழகம் மற்றும் செரிபரல் பால்சி ஆராய்ச்சி அறக்கட்டளை ஆகியவை இந்தத் தகவலை உறுதிப்படுத்தியுள்ளன. ஐந்து தசாப்தங்களுக்கும் மேலாகத் தொண்டு நிறுவனங்களின் தலைவராக சேவை செய்த டான் கார்னியின் மறைவு வணிக மற்றும் சமூக நல உலகத்தில் பெரும் சோகத்தை ஏற்படுத்தியுள்ளது.
தாயாரிடம் கடன்
தாயாரிடம் 600 டாலர் கடன் வாங்கித் தொடங்கிய பிட்சா ஹட்
பிட்சா உணவுகளின் புகழ் அதிகரித்து வருவதை ஒரு பத்திரிகையில் படித்துத் தெரிந்து கொண்ட அவர், தனது சகோதரர் ஃபிராங்க் கார்னியுடன் இணைந்து பிட்சா ஹட் நிறுவனத்தைத் தொடங்கினார்.
இதற்காக தங்களது தாயாரிடம் 600 டாலர் கடன் பெற்றனர்.
பிட்சா ஹட் தொடங்குவதற்கு முன்பு டான் கார்னி விமானப்படையில் இரண்டு ஆண்டுகள் சேவையாற்றியதுடன், WSU-வில் வணிக மேலாண்மையில் முதுகலைப் பட்டமும் பெற்றிருந்தார்.
இவர்களின் வியாபாரம் மிக வேகமாக வளர்ந்து உலகம் முழுவதும் கிளை பரப்பியது. பின்னர் 1977-ஆம் ஆண்டில் கார்னி சகோதரர்கள் தங்கள் நிறுவனத்தை பெப்சிகோ நிறுவனத்திற்கு 300 மில்லியன் டாலருக்கு விற்றனர். த
ற்போது பிட்சா ஹட் உலகம் முழுவதும் 90 நாடுகளில் விரிவடைந்துள்ளது.
வள்ளல்
தொழிலதிபர் மட்டுமின்றி தலைசிறந்த வள்ளல்
வணிக வெற்றியைத் தாண்டி ஒரு சிறந்த பரோபகாரியாகவும் டான் கார்னி விளங்கினார்.
கன்சாஸ் செரிபரல் பால்சி ஆராய்ச்சி அறக்கட்டவையின் வாரியத் தலைவராகப் பல தசாப்தங்களாகப் பணியாற்றிய அவர், எண்ணற்ற மக்களின் வாழ்வில் ஒளியேற்றியுள்ளார்.
விச்சி மாநிலப் பல்கலைக்கழகமும் அவரது சமூக சேவையையும் சமூகப் பற்றையும் போற்றித் பாராட்டியுள்ளது.
குடும்ப வாழ்க்கை என்று பார்க்கும்போது, அவரது முதல் மனைவி பெவர்லி சிங்கிள்டன் 1998-ல் காலமானார்; அவர்களுக்கு 6 குழந்தைகள் மற்றும் 12 பேரக் குழந்தைகள் உள்ளனர்.
பின்னர் 2001-ல் கেইலா கோல்டர் என்பவரைத் திருமணம் செய்து கொண்டார். தொழிலதிபர், நன்கொடையாளர் எனப் பல பரிமாணங்களை கொண்ட டான் கார்னியின் மறைவு உலகளாவிய உணவுத் துறைக்கு ஒரு பெரிய இழப்பாகும்.