புதிய உச்சத்திற்கு மீண்டும் சென்ற தங்கம் விலை - இன்றைய நிலவரம்!
இந்தியாவில் தங்கம் விலையானது அன்றாடம் புதிய உச்சத்தை தொட்டுக்கொண்டே செல்கிறது. தங்கம் விலை உயர்வுக்கு பல காரணங்கள் இருந்தாலும், அமெரிக்க வங்கிகள் திவால் மற்றும் அமெரிக்க டாலரின் மதிப்பு சரிவு போன்ற காரணங்களால், சர்வதேச சந்தையில் தங்கத்தின் விலையில் பல மாற்றங்கள் ஏற்படுகிறது. இதனால் ஆபரணத் தங்கத்தின் விலை தொடர்ந்து உயர்ந்து வருகிறது. அதுமட்டுமின்றி, அன்றாடம் தங்கம் விலை ஏற்றம் இறக்கத்தை கண்டாலும், ஒரு சில நாட்களில் அதிரடியாக சரிவதும் உண்டு. இந்நிலையில், இன்றைய நாள் ஏப்ரல் 14 ஆம் தேதியில், 22 காரட் ஆபரணத் தங்கமானது கிராமுக்கு 44 ரூபாய் உயர்ந்து, 5,720-ரூபாய்க்கு விற்பனையாகிறது. அதுவே, ஒரு சவரன் 352 ரூபாய் உயர்ந்து ரூ.45,760 ஆக விற்பனையாகிறது.
தங்கம் மற்றும் விலை இன்று மேலும் உயர்ந்துள்ளது - இன்றைய நிலவரம்
வெள்ளியின் விலை வெள்ளியின் விலையை பொறுத்த வரையில், ஒரு கிராமுக்கு 1.20 காசுகள் உயர்ந்து 83 ரூபாய்க்கு விற்பனையாகிறது. மேலும், ஒரு கிலோ 1200 ரூபாய் வரை உயர்ந்து ரூ. 83,000-க்கு விற்பனை செய்யப்படுகிறது. அன்றாடம் சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலையில் ஏற்ற, இறக்கங்கள் நிலவுகின்றன. அதுமட்டுமின்றி, மத்திய தங்க பத்திர மூதலீடு திட்டத்தை கொண்டுவந்துள்ள போதிலும், தங்கம் விற்பனையாவது குறையவில்லை என்பதே உண்மை. தங்கத்தின் மீது செய்யப்படும் முதலீடுகளுக்கு தக்க லாபம் கிடைத்து வருகிறது. இதைத்தவிர, பொதுவாக குடும்பங்களில் தங்க ஆபரணங்கள் தலைமுறை தலைமுறையாக கைமாறி கொண்டே இருக்கும். அதனால் தான், குடும்பத்தில் தங்கத்திற்கு முக்கியத்துவம் வாய்ந்த இடம் அளிக்கப்பட்டு வருகிறது.
