எலெக்ட்ரிக் வாகன பாஸ்ட் சார்ஜிங்.. நீங்கள் தெரிந்து கொள்ள வேண்டியவை!
செய்தி முன்னோட்டம்
எலக்ட்ரிக் கார்கள் கொஞ்சம் கொஞ்சமாக பிரதானமாகி வரும் நிலையில், அதில் பயன்படுத்தப்படும் ஒரு விஷயம் குறித்து பயனர்களாகிய நாம் தெரிந்து கொள்வது அவசியம்.
ஆட்டோமொபைல் நிறுவனங்கள், தங்கள் எலெக்ட்ரிக் கார்களை விளம்பரப்படுத்தும் போது 10% முதல் 80% வரை இவ்வளவு விரைவாக சார்ஜ் ஆகும் என்று தான் குறிப்பிடுகின்றன. அது ஏன் 10 முதல் 80%, ஏன் 0 - 100% இல்லை?
ஏனென்றால், 10% - 80% வரை மட்டுமே அந்நிறுவனங்கள் விளம்பரப்படுத்தும் பாஸ்ட் சார்ஜிங் வசதியை பயன்படுத்த முடியும். அதன் பிறகு நாம் நினைத்தாலும், பாஸ்ட் சார்ஜிங் செய்ய முடியாது. மெதுவாகவே சார்ஜ் ஆகும்.
ஆட்டோமொபைல்
என்ன காரணம்?
எலெக்ட்ரிக் வாகனங்களில் பெரும்பாலும் லித்தியம்-அயன் பேட்டரிகளே பயன்படுத்தப்படுகின்றன. இவற்றால் நீண்ட நேரம் அதிக வோல்டேஜ் மின்சாரத்தை தாங்க முடியாது. சில நேரம் விபத்து ஏற்படுவதற்கு கூட வாய்ப்புகள் இருக்கிறது.
பேட்டரிக்கள் நீண்ட காலம் உழைக்க வேண்டும் என்பதற்காகவே 10%-க்கு கீழும், 80% மேலும் பாஸ்ட் சார்ஜிங் ஆகாத வகையில் எலெக்ட்ரிக் வாகன பேட்டரிக்களை வடிவமைக்கின்றன நிறுவனங்கள்.
10 - 80% வரை சார்ஜ் ஆவதற்கு எவ்வளவு நேரம் எடுத்துக் கொள்கிறதோ, அதே அளவு நேரம் தான் 80 - 100% வரை சார்ஜ் ஆவதற்கும் எடுத்துக் கொள்ளுமாம்.
எலெக்ட்ரிக் வாகனங்களில் மிக அவசியமான தேவையான நேரங்களில் மட்டும் பாஸ்ட் சார்ஜிங் வசதியைப் பயன்படுத்தவும், மற்ற நேரங்களில் சாதாரண சார்ஜிங்கையே பயன்படுத்தவுமே வாடிக்கையாளர்கள் அறிவுறுத்தப்படுகிறார்கள்.