ராயல் என்ஃபீல்டு கிளாஸிக் 350-க்குப் போட்டியாக இந்தியாவில் புதிய 'CB350'-யை வெளியிட்டிருக்கிறது ஹோண்டா
செய்தி முன்னோட்டம்
இந்தியாவில் புதிய CB350 மாடல் பைக்கை வெளியிட்டிருக்கிறது ஹோண்டா. DLX மற்றும் DLX ப்ரோ என இரண்டு வகையான வேரியன்ட்களாக வெளியாகியிருக்கும் இந்த பைக்கை ஹோண்டாவின் பிங் விங் ஷோரூம்களில் முன்பதிவு செய்து கொள்ளலாம் என அறிவிக்கப்பட்டிருக்கிறது.
இது ஹோண்டாவின் 350சிசி லைன்அப்பில் வெளியாகியிருக்கும் மூன்றாவது பைக்காகும். ஏற்கனவே, 'CB350 ஹைனஸ் மற்றும் 'CB350 RS' ஆகிய இரண்டு பைக் மாடல்களை இந்தியாவில் விற்பனை செய்து வருகிறது ஹோண்டா.
இந்தியாவில் மிகவும் பிரபலமான ராயல் என்ஃபீல்டு கிளாஸிக் 350க்கு போட்டியாகவே இந்தப் புதிய பைக்கை வெளியிட்டிருக்கிறது ஹோண்டா. ஒரு சாயலில் கிளாஸிக் 350யை அப்படி உரித்து வைத்தது போல் இருக்கிறது ஹோண்டாவின் இந்தப் புதிய CB350.
ஹோண்டா
ஹோண்டா CB350: வசதிகள் மற்றும் விலை
இந்தப் புதிய CB350-ல், 21hp பவர் மற்றும் 29.4Nm டார்க்கை உற்பத்தி செய்யும், சிங்கிள் சிலிண்டர் கொண்ட, 348.36சிசி 4-ஸ்ட்ரோக், லிக்விட் கூல்டு இன்ஜினைப் பயன்படுத்தியிருக்கிறது ஹோண்டா.
5 ஸ்பீடு கியர்பாக்ஸைப் பயன்படுத்தியிருக்கும் இந்த CB350-ல், டூயல் சேனல் ஏபிஎஸ் வசதியை ஸ்டாண்டர்டாகவே கொடுத்திருக்கிறது அந்நிறுவனம்.
முழுவதும் எல்இடி விளக்குகள், மெட்டல் பாகங்கள், டார்க் கண்ட்ரோல் சிஸ்டம் மற்றும் ஸ்லிப் & அசிஸ்ட் கிளட்ச் உள்ளிட்ட வசதிகளையும் புதிய CB350-ல் கொடுத்திருக்கிறது ஹோண்டா.
ஐந்து நிறங்களில் வெளியாகியிருக்கும் இந்தப் புதிய பைக்கின் DLX வேரியன்டை ரூ.2 லட்சம் எக்ஸ்-ஷோரூம் விலையிலும், DLX ப்ரோ வேரியன்டை ரூ.2.18 லட்சம் எக்ஸ்-ஷோரூம் விலையிலும் அறிமுகப்படுத்தியிருக்கிறது ஹோண்டா.