இந்திய தேர்தல் பிரச்சாரங்களுக்கு மத்தியில் டீசல் விற்பனை சரிந்தது
செய்தி முன்னோட்டம்
இந்தியாவில் தேர்தல் பிரச்சாரம் உச்சம் அடைந்திருக்கும் நிலையிலும், மே 2024 இல் பெட்ரோல் மற்றும் டீசலின் விற்பனை மந்தமாகவே இருந்தது.
அரசுக்கு சொந்தமான எண்ணெய் நிறுவனங்களில் பெட்ரோல் விற்பனை ஏறக்குறைய சீராக இருந்தது. ஆனால், அதே சமயம் டீசல் விற்பனை தொடர்ந்து சரிந்திருப்பதை தரவுகள் காட்டுகின்றன.
தேர்தல் பிரச்சாரங்களின் போது, வேட்பாளர்கள் அதிக அளவில் வாகனங்களை பயன்படுத்துவதால், எப்போதும் தேர்தல் சமயத்தில் எரிபொருள் விற்பனை வழக்கமாக உயரும். ஆனால், இந்த வருடம் பெட்ரோல் டீசல் விற்பனை வழக்கத்திற்கு மாறாக உள்ளது.
90% உள்ளூர் எரிபொருள் சந்தையை நிர்வகிக்கும் மூன்று அரசுக்கு சொந்தமான நிறுவனங்கள், பெட்ரோல் விற்பனை முந்தைய ஆண்டை ஒத்ததாக இருந்தது என்று கூறியுள்ளன.
பெட்ரோல் டீசல் விற்பனை
டீசல் தேவை தொடர்ந்து குறைந்து வருகிறது
மே 2024இன் முதல் பாதியில், இந்த நிறுவனங்கள் 1.367 மில்லியன் டன் பெட்ரோலை விற்றன. இது 2023ஆம் ஆண்டின் இதே காலகட்டத்தில் விற்கப்பட்ட 1.36 மில்லியன் டன்களை ஒத்ததாக இருக்கிறது.
இருப்பினும், மாத அடிப்படையில் பார்த்தால் மே முதல் பாதியில் கடந்த மாதத்தை விட பெட்ரோல் விற்பனை 11% அதிகரித்துள்ளது.
ஆனால், டீசல் விற்பனை மற்றும் அதன் தேவை குறைந்துள்ளது.
மே முதல் பாதியில் இந்தியாவில் மிக அதிகமாக விற்பனையாகும் டீசல் விற்பனை 1.1% குறைந்து 3.28 மில்லியன் டன்களாக இருந்தது.
மேலும், கடந்த ஏப்ரல் மாதத்தில் 2.3% மற்றும் மார்ச் மாதத்தில் 2.7% சரிந்திருந்த டீசல் விற்பனை, மேலும் குறைந்திருப்பதால் இது டீசலின் தேவை குறையும் போக்கை காட்டுகிறது.