இந்தியாவில் புதிய எலெக்ட்ரிக் ஸ்கூட்டர் மாடல்களை அறிமுகப்படுத்தியிருக்கும் ஓலா
செய்தி முன்னோட்டம்
இந்தியாவில் விற்பனை செய்யப்பட்டு வந்த தங்களுடைய ஃப்ளாக்ஷிப் எலெக்ட்ரிக் ஸ்கூட்டரான S1 ப்ரோவின் அப்டேட்டட் மாடலான 'S1 ப்ரோ ஜென் 2' மாடலை வெளியிட்டிருக்கிறது ஓலா. பவர்ஃபுல் இன்ஜின் மற்றும் கூடுதல் ரேஞ்சுடன் ஓலாவின் புதிய ஃப்ளாக்ஷிப் ஸ்கூட்டர் வெளியாகியிருக்கிறது.
இந்த புதிய ஸ்கூட்டரில், தாங்களே சொந்தமாகத் தயாரித்த எலெக்ட்ரிக் மோட்டாரைப் பயன்படுத்தியிருக்கிறது ஓலா. 11kW பவரை வெளிப்படுத்தும் இந்த எலெக்ட்ரிக் ஸ்கூட்டரானது தற்போது அதிகபட்சமாக 120கிமீ வேகம் வரை செல்லும் திறனுடன் இருக்கிறது.
அதே 4kWh பேட்டரி பேக்குடன், 195கிமீ ரேஞ்சைக் கொடுக்கும் வகையில் புதிய எலெக்ட்ரிக் ஸ்கூட்டரை வடிவமைத்திருக்கிறது ஓலா.
6.5 மணி நேரத்தில் முழுமையாகச் சார்ஜ் ஆகிவிடும் இந்த ஸ்கூட்டரை, ரூ.1.47 லட்சம் எக்ஸ்-ஷோரூம் விலையில் வெளியிட்டிருக்கிறது அந்நிறுவனம்.
ஓலா
ஓலாவின் பிற அறிமுகங்கள்:
இந்த புதிய ஃப்ளாக்ஷிப் எலெக்ட்ரிக் S1 ப்ரோ ஜென் 2-வுடன், தங்களது விலை குறைவான ஸ்கூட்டர் லைன்அப்பையும் வெளியிட்டிருக்கிறது ஓலா.
'S1 X' என்ற இந்த புதிய லைன்அப்பில், S1 ஏரை விட குறைவான விலையில் மூன்று புதிய எலெக்ட்ரிக் ஸ்கூட்டர்களை அறிமுகப்படுத்தியிருக்கிறது அந்நிறுவனம்.
S1 X(2kW) மாடலை ரூ.89,999 விலையிலும், S1 X மாடலை ரூ.99,999 விலையிலும், S1 X+ மாடலை ரூ.1,09,999 விலையிலும் வெளியிட்டிருக்கிறது ஓலா. இந்த மூன்று மாடல்களுக்கும் ஆகஸ்ட் 21 வரை அறிமுக சலுகையாக ரூ.10,000 தள்ளுபடியும் வழங்கியிருக்கிறது அந்நிறுவனம்.
ஓலாவின் இந்தப் புதிய மாடல்களை அந்நிறுவனத்தின் அதிகாரப்பூர்வ வலைப்பக்கத்தின் மூலமாகவோ அல்லது அருகிலிருக்கும் ஓலா ஷோரூம்களிலோ முன்பதிவு செய்து கொள்ளலாம் என அறிவிரக்கப்பட்டிருக்கிறது.