பாவ்ஜென் யெப் EV-யின் டிசைனை இந்தியாவிலும் பேட்டன்ட் செய்திருக்கிறது எம்ஜி மோட்டார்
செய்தி முன்னோட்டம்
இந்தியாவில் எலெக்ட்ரிக் வாகனங்களின் அறிமுகங்கள் தொடர்ந்து அதிகரித்துக் கொண்டே வருகின்றன.
கடந்த சில மாதங்களுக்கு முன்பு தான், தங்களுடைய காம்பேக்ட் EV-யான காமெட்டை இந்தியாவில் அறிமுகப்படுத்தியது எம்ஜி மோட்டார் நிறுவனம்.
அதனைத் தொடர்ந்து தற்போது மற்றொரு காம்பேக்ட் EV-யின் டிசைனை இந்தியாவில் பேட்டன்ட் செய்திருக்கிறது எம்ஜி.
கடந்த சில மாதங்களுக்கு முன் சீனாவில் பாவ்ஜன் யெப் என்ற, நகர வாடிக்கையாளர்களை மையப்படுத்திய காம்பேக்டான எலெக்ட்ரிக் கார் மாடல் ஒன்றை அறிமுகப்படுத்தியது எம்ஜி.
தற்போது அதே மாடலின் டிசைனை இந்தியாவிலும் பதிவு செய்திருக்கிறது. இதன் மூலம் இந்தியாவில் இந்த புதிய எலெக்ட்ரிக் காரை வெளியிடத் திட்டமிட்டிருக்கிறது எம்ஜி மோட்டார்.
எம்ஜி மோட்டார்
பாவ்ஜன் யெப் எலெக்ட்ரிக் கார்:
இந்தியாவில் வெளியான காமெட் EV தயாரிக்கப்பட்ட, எம்ஜி மோட்டாரின் அதே Global Small Electric Vehicle பிளாட்ஃபார்மிலேயே பாவ்ஜென் யெப் EV-யையும் அந்நிறுவனம் உருவாக்கியிருக்கிறது.
பாக்ஸியான டிசைனில், மூன்று டோர்களைக் கொண்டு சீனாவில் அறிமுகமாகியிருந்தது பாவ்ஜன் யெப் EV. காமெட் EV உருவாக்கப்பட்ட அதே பிளாட்ஃபார்மிலேயே உருவாக்கப்பட்டிருந்தாலும், அதனை விட கொஞ்சம் பெரிதாகவே இருக்கிறது பாவ்ஜன் யெப்.
67hp பவர் மற்றும் 140Nm டார்க்கை வெளிப்படுத்தக்கூடிய ஒரே ஒரு எலெக்ட்ரிக் மோட்டார் மற்றும் 28.1kWh பேட்டரியுடன், 300 கிமீ ரேஞ்சைக் கொண்டிருக்கிறது சீனாவில் அறிமுகப்படுத்தப்பட்ட பாவ்ஜன் யெப்.