2024இல் ஐந்து புதிய எஸ்யூவிகளை களமிறக்க மஹிந்திரா முடிவு
செய்தி முன்னோட்டம்
2024 ஆம் ஆண்டில், மஹிந்திரா நிறுவனம் இந்தியாவில் ஐந்து புதிய எஸ்யூவி மாடல்களை அறிமுகப்படுத்த உள்ளதாக தகவல் வெளியாகியுள்ளது.
இதில் மூன்று மாடல்கள் ஐசி என்ஜின் மூலம் இயங்கும் கார்களாகவும் மற்றும் இரண்டு எலக்ட்ரிக் கார்களாகவும் களமிறக்கப்பட உள்ளன.
இதன்படி சிறிய அளவில் மாற்றம் செய்யப்பட்ட XUV300, XUV400, 5-கதவு கொண்ட தார், XUV.e8 மற்றும் பொலீரோ நியோ பிளஸ் ஆகிய கார்கள் வெளியிடப்பட உள்ளன.
இந்த மாடல்களை களமிறக்குவதன் மூலம் இந்திய வாகன சந்தையில் மஹிந்திராவின் நிலையை உயர்த்தவும் மற்றும் எஸ்யூவிகளுக்கான அதிகரித்து வரும் தேவையை நிவர்த்தி செய்யவும் முடியும் என மஹிந்திரா எதிர்பார்க்கிறது.
Facelifted XUV 300 and XUV 400 to be launched in 2024 beginning
மாற்றம் செய்யப்பட XUV300 மற்றும் XUV400 2024
பிஇ சீரீஸ் மற்றும் XUV700 ஆகியவற்றின் அம்சங்களால் கவரப்பட்டு புதுப்பிக்கப்பட்ட மஹிந்திரா XUV300 வெளிப்புற மற்றும் உட்புற மாற்றங்களுடன் 2024 ஆம் ஆண்டின் தொடக்கத்தில் வெளியிட திட்டமிடப்பட்டுள்ளது.
இந்த காரின் உள்ளே, ஒரு பெரிய தொடுதிரை, ஒரு புதிய டிஜிட்டல் கன்சோல் மற்றும் பல்வேறு மேம்பாடுகள் இருக்கும் என எதிர்பார்க்கப்படுகின்றன.
XUV400 லும் இந்த அம்சங்கள் சேர்க்கப்படலாம் என எதிர்பார்க்கப்படுகிறது. சமீபத்தில், மஹிந்திரா ஒரு புதுப்பிக்கப்பட்ட XUV400 அடுத்த ஆண்டு வெளியிடப்படும் என்று அறிவித்தது குறிப்பிடத்தக்கது.
XUV400 சமீபத்தில் புதுப்பிக்கப்பட்ட நெக்சான் எலக்ட்ரிக் காருடனான போட்டியை இலக்காகக் கொண்டு உட்புறத்தை மேம்படுத்தி புதிய அம்சங்களை உள்ளடக்கி இருக்கும் எனத் தெரிகிறது.
Thar XUV.e8 and Polero Neo Plus to be launched in Dec 2024
தார், XUV.e8 மற்றும் பொலீரோ நியோ பிளஸ் ஆகியவை 2024 இறுதிக்குள் வெளியிட திட்டம்
தனித்துவமான வெளிப்புற அம்சங்கள், நீட்டிக்கப்பட்ட வீல்பேஸ் மற்றும் 2.2-லிட்டர் டீசல் அல்லது 2.0-லிட்டர் பெட்ரோல் எஞ்சின் ஆகியவற்றைக் கொண்ட தார் மாடல் காரின் மிகவும் உயர்தர மற்றும் செயல்பாட்டு ஐந்து-கதவு பதிப்பை வெளியிடுவதை மஹிந்திரா நோக்கமாகக் கொண்டுள்ளது.
மேலும், டிசம்பர் 2024 இல், XUV.e8 எலக்ட்ரிக் எஸ்யூவியை அறிமுகப்படுத்த திட்டமிடப்பட்டுள்ளது. இது ஒரு சார்ஜில் 500 கிமீ தூரம் செல்லும் என்று உறுதியளிக்கிறது.
இறுதியாக, பொலிரோ நியோ பிளஸ், ஸ்கார்பியோ கிளாசிக்கிற்கு கீழே நிலைநிறுத்தப்பட்டுள்ளது. ஏழு மற்றும் ஒன்பது இருக்கை அமைப்புகளில் இது கிடைக்கும்.
இது 2.2-லிட்டர் எம்ஹாக் டீசல் என்ஜின் மூலம் இயக்கப்படுகிறது மற்றும் ஆறு வேக மேனுவல் கியர்பாக்ஸுடன் இணைக்கப்பட்டுள்ளது.