புதிய 'ரிவோல்டோ' மாடலின் 'ஒபேரா யுனிகா' வெர்ஷனை அறிமுகப்படுத்திய லம்போர்கினி
செய்தி முன்னோட்டம்
தங்களுடைய ரிவோல்டோ கார் மாடலின் 'ஒபேரா யுனிகா' வெர்ஷனை அமெரிக்காவில் நடைபெற்று வரும் ஆர்ட் பேஸல் மியாமி பீச் 2023 நிகழ்வில் அறிமுகப்படுத்தியிருக்கிறது லம்போர்கினி.
தங்களுடைய 60வது ஆண்டு விழாக் கொண்டாட்டத்தின் ஒரு பகுதியாக இந்த ரிவோல்டோ ஒபேரா யுனிகா வெர்ஷனை அறிமுகப்படுத்தியிருக்கிறது லம்போர்கினி.
கையாலேயே வரையப்பட்ட, பல்வேறு நிறங்களைக் கொண்டிருப்பது போலத் தோற்றமளிக்கும் இந்த ஒபேரா யுனிகா வெர்ஷனில் ஒரே ஒரு மாடலை மட்டுமே உருவாக்கியிருக்கிறது அந்நிறுவனம்.
மேலும், இதனை ஒரு ஆட்டோமொபைல் கண்கொண்டு உருவாக்காமல், ஒபேரா யுனிகாவின் வெளித்தோற்றத்தை ஒரு கலைப்படைப்பகாகக் கருதி உருவாக்கியிருப்பதாகத் தெரிவித்திருக்கிறது அந்நிறுவனம்.
லம்போர்கினி
லம்போர்கினி ரிவோல்டோ ஒபேரா யுனிகா:
இதன் வெளித்தோற்றத்திற்காக 435 மணி நேரமும், உள் அலங்காரங்களுக்காக 220 மணி நேரமும் செலவழித்திருப்பதாகத் தெரிவித்திருக்கிறது லம்போர்கின். மேலும், இதனை சோதனை செய்வதற்காக மட்டுமே 76 மணி நேரம் எடுத்துக் கொண்டதாகத் தெரிவித்திருக்கிறது அந்நிறுவனம்.
இந்த ரிவோல்டோ மாடலிலேயே உலகின் அதிக செயல்திறன் மிக்க இன்ஜின்களுள் ஒன்றான V12 ஹைபிரிட் இன்ஜினைப் பொருத்தியிருக்கிறது லம்போர்கினி. மேலும், இந்த ரிவோல்டோ மாடலானது ஒரு பிளக்-இன் ஹைபிரிட் எலெக்ட்ரிக் கார் மாடல் என்பதும் குறிப்பிடத்தக்கது.
60ம் ஆண்டு விழாக் கொண்டாட்டத்தை ஒட்டி உருவாக்கப்பட்டிருக்கும் இந்தக் கார் மாடலில், லம்போர்கினியின் 60ம் ஆண்டு விழா லோகோவைப் பயன்படுத்தியிருக்கிறது லம்போர்கினி.