ஹூண்டாய் நிறுவனத்தின் இரு மாடல் கார்கள் விலை அதிரடியாக குறைப்பு!
செய்தி முன்னோட்டம்
இந்திய வாகன சந்தையில் பல நிறுவனங்கள் போட்டி போட்டுக்கொண்டு தங்களின் கார்களை அறிமுகப்படுத்தி வருகின்றன. இதனால் வாகன சந்தையில் வாடிக்கையாளர்கள் எந்த காரை தேர்ந்தெடுப்பது என தெரியாமல் இருக்கும் நிலையில், ஹூண்டாய் நிறுவனம் ஐ20 ஸ்போர்ட்ஸ் வேரியண்டின் விலையை அதிரடியாக குறைத்திருப்பதாக தகவல்கள் வெளியாகி உள்ளன. புகழ்பெற்ற கார் மாடல்களில் ஐ20-ம் ஒன்று இதன் ஸ்போர்ட்ஸ் எனும் வேரியண்டின் விலையையே ஹூண்டாய் குறைத்துள்ளது. இத்தோடு, ஹேட்ச்பேக் ரக கார் மாடலான கிராண்ட் ஐ10 நியாஸ்-இன் ஸ்போர்ட்ஸ் வேரியண்டின் விலையையும் குறைத்திருக்கிறது. அதாவது, ரூ. 3,500 வரை ஹூண்டாய் இரு கார் மாடல்களின் விலையிலும் குறைப்பை செய்திருக்கின்றது.
ஹூண்டாய் நிறுவனம்
ஹூண்டாய் நிறுவனத்தின் i20 மற்றும் i10 மாடல்களின் விலை குறைப்பு
அதேப்போன்று, விலை குறைப்பிற்காக ஹூண்டாய் நிறுவனம் இந்த இரு மாடல்களின் ஸ்போர்ட்ஸ் ட்ரிம்மிலும் ஒரு காரியத்தை செய்துள்ளது. குறிப்பிட்ட ஒரு அம்சத்தை நீக்கியுள்ளது. இதனால் தான் இரு மாடல்களின் விலை குறைக்கப்பட்டு இருக்கிறது. புதியதாக ஸ்போர்ட்ஸ் எக்சிகியூட்டிவ் எனும் வேரியண்டையே கிராண்ட் ஐ10 நியாஸில் ஹீண்டாய் அறிமுகம் செய்துள்ளது. இந்த மாடல்களுக்கு ரூ. 7,16,400ம், இதே மாடலின் பெட்ரோல் ஏஎம்டி ஆப்ஷனுக்கு ரூ. 7,70,200-ம் விலையும் நிர்ணயம் செய்யப்பட்டு உள்ளது. மேலும், ஆட்டோமேட்டிக் க்ளைமேட் கன்ட்ரோல் அம்சமே கார்களில் இருந்து நீக்கப்பட்டு இருக்கின்றது. இதற்கு பதில் தற்போது மேனுவல் ஏசி மற்றும் ஹீட்டர் யூனிட்டைக் கட்டுப்படுத்தும் வசதி வழங்கப்பட்டு இருக்கின்றது.