அருணாச்சல பிரதேசத்தில் சீனா உரிமை கொண்டாடியதையடுத்து இந்தியாவிற்கு ஆதரவளித்த அமெரிக்கா
செய்தி முன்னோட்டம்
இந்தியாவின் வடகிழக்கு மாநிலமான அருணாச்சல பிரதேசத்தை "சீனாவின் உள்ளார்ந்த பகுதி" என்று சீன ராணுவம் அழைத்ததையடுத்து, இந்தியப் பிரதேசமாக வாஷிங்டன் அங்கீகரித்ததாக அமெரிக்க அதிகாரி ஒருவர் தெரிவித்தார்.
எல்லை கட்டுப்பாட்டுக் கோடு (எல்ஏசி) தாண்டிய பிராந்திய உரிமைகோரல்களுக்கான எந்தவொரு முயற்சியையும், அமெரிக்கா கடுமையாக எதிர்க்கிறது என அவர் மேலும் கூறினார்.
நேற்று, புதன்கிழமை, தனது தினசரி மாநாட்டில் உரையாற்றிய அமெரிக்க வெளியுறவுத்துறை முதன்மை துணை செய்தித் தொடர்பாளர் வேதாந்த் படேல், "அருணாச்சலப் பிரதேசத்தை இந்தியப் பிரதேசமாக அமெரிக்கா அங்கீகரிக்கிறது, மேலும் உண்மையான கட்டுப்பாட்டுக் கோடு தாண்டிய சிவிலியன் மற்றும் இராணுவம் ஆகியவற்றின் மூலம் நடத்தப்படும் ஊடுருவல் அல்லது அத்துமீறல்கள், பிராந்திய உரிமைகோரல்களை முன்னெடுப்பதற்கான எந்தவொரு ஒருதலைப்பட்ச முயற்சியையும் நாங்கள் கடுமையாக எதிர்க்கிறோம்" எனக்கூறினார்.
அருணாச்சல பிரதேசம்
சீனாவின் அறிக்கைக்கு பின்னர் வெளியான அமெரிக்காவின் அறிக்கை
சில நாட்களுக்கு முன்னர் சீன பாதுகாப்பு அமைச்சகத்தின் செய்தித் தொடர்பாளர் மூத்த கர்னல் ஜாங் சியாவோங், அருணாச்சல பிரதேசத்தை "சட்டவிரோதமாக இந்தியாவால் நிறுவப்பட்ட பகுதி" என்று குறிப்பிட்டு, அதை இந்தியாவின் பகுதியாக பெய்ஜிங் ஒருபோதும் ஒப்புக்கொள்ளாது என்றும், இதனை உறுதியாக எதிர்க்கிறது என்றும் தெரிவித்தார்.
அருணாச்சலப் பிரதேசத்தை, சீனா தனது நாட்டின் ஒரு பகுதியாக 'ஜாங்னான்' என்று குறிப்பிடுகிறது.
அவர் இப்படி தெரிவித்து மூன்று நாட்களுக்குப் பிறகு தற்போது அமெரிக்க அதிகாரியின் அறிக்கை வந்துள்ளது.
இதனிடையே, சீனாவின் கருத்திற்கு பதிலளித்த வெளியுறவு அமைச்சகத்தின் செய்தித்தொடர்பாளர் ரந்தீர் ஜெய்ஸ்வால், சீனாவின் கூற்றை அபத்தமானது என்றும், அருணாச்சல பிரதேசம் இந்தியாவின் ஒருங்கிணைந்த மற்றும் பிரிக்க முடியாத பகுதி என்று மீண்டும் வலியுறுத்தினார்.