மூன்றே வார்த்தைகள்! ஈரானில் சிக்கிய அமெரிக்க வீரர் அனுப்பிய SOS செய்தியால் மீட்கப்பட்டது எப்படி?
செய்தி முன்னோட்டம்
ஈரானிய எல்லைக்குள் வீழ்த்தப்பட்ட அமெரிக்க எஃப்-15 போர் விமானத்தின் வீரர்களை மீட்பதற்காக நடத்தப்பட்ட அதிரடி ராணுவ நடவடிக்கை, உலக அரங்கில் பெரும் பரபரப்பை ஏற்படுத்தியுள்ளது. பிடிபட்டால் மரணம் அல்லது சிறை என்ற இக்கட்டான நிலையில், ஈரான் ராணுவத்தின் கண்களில் மண்ணைத் தூவிவிட்டு, அமெரிக்கச் சிறப்புப் படைகள் மேற்கொண்ட இந்த துணிச்சலான மீட்புப் பணியின் பின்னணியில் உள்ள அதிர்ச்சியூட்டும் தகவல்களை அதிபர் டொனால்ட் ட்ரம்ப் தற்போது பகிர்ந்துள்ளார்.
SOS
'கடவுள் நல்லவர்' - சந்தேகத்தை ஏற்படுத்திய ரகசியச் செய்தி
விமானம் விபத்துக்குள்ளான பிறகு, அதிலிருந்த ஆயுத அமைப்பு அதிகாரி ஈரானின் மலைப்பகுதிகளில் பாராசூட் மூலம் குதித்தார். அவர் தனது ரேடியோ கருவி மூலம் "கடவுள் நல்லவர்" (God is good) என்ற மூன்று வார்த்தைகளைச் செய்தியாக அனுப்பினார். ஆனால், இந்தச் செய்தி அமெரிக்க அதிகாரிகளிடையே ஒரு கணம் தயக்கத்தையும் சந்தேகத்தையும் ஏற்படுத்தியது. ஈரான் ராணுவம் அந்த வீரரை ஏற்கனவே பிடித்துவிட்டு, அமெரிக்கப் படைகளைத் தங்களுக்குச் சாதகமாக வரவழைப்பதற்காக வைக்கப்பட்ட 'பொறி'யாக இது இருக்குமோ என்று வெள்ளை மாளிகை அதிகாரிகள் அஞ்சினர்.
வேட்டை
200 கமாண்டோக்களின் நள்ளிரவு அதிரடி வேட்டை
சுமார் 200 அமெரிக்கச் சிறப்புப் படை வீரர்களை உள்ளடக்கிய இந்த ஆபத்தான மீட்புப் பணி நள்ளிரவில் அரங்கேறியது. ஈரானிய ராணுவத்தின் ஆயிரக்கணக்கான வீரர்கள் மற்றும் உள்ளூர் மக்கள் அந்த வீரரைத் தேடி வந்த நிலையில், அவர் ஒரு மலை இடுக்கில் 24 மணி நேரத்திற்கும் மேலாகப் பதுங்கியிருந்தார். அதிநவீன கண்காணிப்புத் தொழில்நுட்பத்தின் உதவியுடன் வீரர் இருக்குமிடம் கண்டறியப்பட்டாலும், ஈரான் ராணுவத்தின் துப்பாக்கிச் சூட்டிற்கு இடையே தற்காலிக முகாமை அமைத்து அமெரிக்கப் படைகள் இந்த வீரரை மீட்டன. முன்னதாக, மற்றொரு பகுதியில் விழுந்த விமானி பகல் நேரத்திலேயே அதிரடியாக மீட்கப்பட்டது குறிப்பிடத்தக்கது.
இஸ்ரேலின் உதவி
இஸ்ரேலின் ரகசிய உதவி மற்றும் வான்வழித் தாக்குதல்
இந்த மீட்பு நடவடிக்கையில் இஸ்ரேல் நேரடிப் பங்காற்றவில்லை என்றாலும், ஈரானிய ராணுவத்தின் நகர்வுகள் குறித்த முக்கிய உளவுத் தகவல்களை அமெரிக்காவிற்கு வழங்கியது. குறிப்பாக, மீட்புப் பணி நடைபெறும் இடத்திற்கு ஈரான் ராணுவத்தினர் விரைவதைத் தடுக்கும் வகையில், இஸ்ரேலிய விமானப்படை ஒரு குறிப்பிட்ட இலக்கின் மீது தாக்குதல் நடத்தி எதிரிகளின் வேகத்தைக் குறைத்தது. அமெரிக்க - இஸ்ரேல் இடையிலான இந்த வலுவான பாதுகாப்பு ஒத்துழைப்பு, இரு வீரர்களையும் பாதுகாப்பாகத் தாயகம் திரும்பச் செய்வதில் முக்கியப் பங்காற்றியதாக ட்ரம்ப் சுட்டிக்காட்டினார்.
ட்விட்டர் அஞ்சல்
Twitter Post
I spoke earlier with President @realDonaldTrump and personally congratulated him on his bold decision and a perfectly executed American mission to rescue the downed pilot from enemy territory.
— Benjamin Netanyahu - בנימין נתניהו (@netanyahu) April 5, 2026
The President expressed his appreciation for Israel's help.
I am deeply proud that…