2020 தேர்தல் முடிவுகளை மாற்றியமைக்க முயன்றதாக டிரம்ப் மீது குற்றச்சாட்டு
செய்தி முன்னோட்டம்
2020ஆம் ஆண்டு தேர்தலில் தோல்வியடைந்ததை மாற்றியமைக்க முயன்றது தொடர்பாக டொனால்ட் டிரம்ப் மீது செவ்வாயன்று நான்கு குற்றங்கள் சுமத்தப்பட்டன.
அடுத்த ஆண்டு அமெரிக்க அதிபர் தேர்தலில் போட்டியிடுவதற்கு முன்னாள் அமெரிக்க அதிபர் டிரம்ப் தயாராகி வரும் நிலையில், அவர் மீது இந்த குற்றங்கள் சுமத்தப்பட்டுள்ளன.
மார்ச் மாதத்தில் இருந்து, டிரம்ப் மீது சுமத்தப்படும் மூன்றாவது கிரிமினல் குற்றச்சாட்டு இதுவாகும்.அரசாங்கத்தின் ரகசிய ஆவணங்களை தவறாகக் கையாண்ட குற்றத்திற்காக அடுத்த ஆண்டு மே மாதம் புளோரிடாவில் உள்ள நீதிமன்றத்தில் ஆஜராகுமாறு அவருக்கு ஏற்கனவே உத்தரவு பிறப்பிக்கப்பட்டுள்ளது.
பிஜிக்
டிரம்ப்புக்கு எதிராக 45 பக்க குற்றப்பத்திரிகை தாக்கல்
2024 தேர்தலுக்கான அமெரிக்க குடியரசுக் கட்சியின் வேட்பாளர் பட்டியலில் தற்போது வரை டொனால்ட் டிரம்ப் முன்னோடியில் உள்ளார்.
குடியரசுக் கட்சிக்கான வேட்பாளர் இன்னும் தேர்ந்தெடுக்கப்படவில்லை என்றாலும், டிரம்ப் மீது சுமத்தப்பட்டுள்ள குற்றச்சாட்டுகள் அவரது தேர்தல் பிரச்சாரத்தை கடுமையாக பாதிக்கும்.
டிரம்ப்புக்கு எதிராக தாக்கல் செய்யப்பட்ட குற்றப்பத்திரிகையில், டிரம்ப் அமெரிக்காவை ஏமாற்ற சதி செய்ததாகவும், அதிகாரபூர்வ நடவடிக்கைகளைத் தடுக்க முயற்சி செய்ததாகவும் குற்றம் சாட்டப்பட்டுள்ளது.
மேலும், நவம்பர் 2020 அதிபர் தேர்தலில் தான் வெற்றி பெற்றதாக பொய் கூறி அமெரிக்க வாக்காளர்களின் வாக்குரிமையைப் பறிக்க முயன்றதாகவும் டிரம்ப் மீது குற்றம் சாட்டப்பட்டுள்ளது.