ஆபரேஷன் சிந்தூர் தோல்வி எதிரொலி: இந்திய தூதர்களுக்கு சைலன்ட் டார்ச்சர் தரும் பாகிஸ்தான்
செய்தி முன்னோட்டம்
ஆபரேஷன் சிந்தூர் நடவடிக்கையின் போது ஏற்பட்ட பெரும் இழப்புகளால் பாதிக்கப்பட்ட பாகிஸ்தான், இஸ்லாமாபாத்தில் உள்ள இந்திய தூதர்களை துன்புறுத்தி வருகிறது. மேலும் அவர்களின் வீடுகளிலும், நகரத்தில் உள்ள இந்திய உயர் ஸ்தானிகராலயத்திலும் அவர்களுக்கு செய்தித்தாள் விநியோகத்தை நிறுத்தியுள்ளது என்று அதிகாரப்பூர்வ வட்டாரங்கள் தெரிவித்தன என இந்திய டுடே செய்தி வெளியிட்டுள்ளது. ஆதாரங்களின்படி, பதிலுக்கு ஒரு நடவடிக்கையாக, புது டெல்லியில் பணியாற்றி வரும் பாகிஸ்தான் தூதர்களுக்கு செய்தித்தாள் விநியோகத்தை இந்தியா நிறுத்தியுள்ளது.
கண்கணிப்பு
இந்திய தூதர்களை தீவிர கண்காணிப்பில் வைத்திருக்கும் பாகிஸ்தான்
பாகிஸ்தானின் தீவிர நடவடிக்கையின் ஒரு பகுதியாக பாகிஸ்தான் அதிகாரிகளின் ஆக்ரோஷமான கண்காணிப்பும் அடங்கும். இந்திய தூதரக குடியிருப்புகள் மற்றும் அலுவலகங்களுக்குள் அங்கீகரிக்கப்படாத நுழைவுகள் பற்றிய அறிக்கைகள் உள்ளன. இந்த நடவடிக்கைகள், தூதரக ஊழியர்களின் பாதுகாப்பு மற்றும் கண்ணியத்தை உறுதி செய்யும் இராஜதந்திர உறவுகள் தொடர்பான வியன்னா மாநாட்டின் மீறல்களாகக் கருதப்படுகின்றன என்று வட்டாரங்கள் தெரிவித்தன. உள்ளூர் விற்பனையாளர்கள் இந்திய அதிகாரிகளுடன் ஒத்துழைக்க வேண்டாம் என்றும் பாகிஸ்தான் அதிகாரிகள் அறிவுறுத்தியுள்ளதால், இந்திய தூதர்கள் எரிவாயு மற்றும் தண்ணீர் போன்ற அடிப்படை வசதிகள் தொடர்பான பிரச்சினைகளை எதிர்கொள்கின்றனர் என்று வட்டாரங்கள் தெரிவிக்கின்றன. பாகிஸ்தானின் இத்தகைய நடவடிக்கைகள் தூதரக ஊழியர்களை அச்சுறுத்தும் முயற்சியாகக் கருதப்படுகிறது.