வடமேற்கு பாகிஸ்தானில் குண்டு வெடிப்பு- 5 பேர் பலி, 21 பேர் காயம்
செய்தி முன்னோட்டம்
வடமேற்கு பாகிஸ்தானில் உள்ள தேரா இஸ்மாயில் கான் நகரத்தில், காவல்துறையினரை குறிவைத்து நடத்தப்பட்ட வெடிகுண்டு தாக்குதலில் 5 பேர் உயிரிழந்துள்ளதாக அந்நாட்டைச் சேர்ந்த சமா தொலைக்காட்சி செய்தி வெளியிட்டுள்ளது.
மேலும் இந்த தாக்குதலில் 21 பேர் வரை படுகாயம் அடைந்துள்ளனர்.
போண்டா பஜாரில் டேங்க் அடா பகுதியில் நடைபெற்ற இந்த குண்டு வெடிப்புக்கு பின், அருகில் உள்ள மருத்துவமனையில் அனைத்தும் தயார் நிலையில் வைக்கப்பட்டுள்ளன.
முதற்கட்ட தகவலின் படி, வெடிகுண்டு இருசக்கர வாகனத்தில் வைக்கப்பட்டிருந்ததாக தெரிவிக்கப்பட்டுள்ளது.
குண்டுவெடிப்புக்கு பின்னர் துப்பாக்கி சத்தமும் கேட்டது என அதிகாரிகள் கூறியதாக சமா தொலைக்காட்சி செய்தி வெளியிட்டுள்ளது.
2nd card
பாகிஸ்தானில் தொடரும் குண்டு வெடிப்புகள்
பாகிஸ்தானில் அண்மைக்காலமாக தொடர்ந்து குண்டுவெடிப்புகள் நிகழ்ந்து வருகிறது. கடந்த செப்டம்பர் மாதம் இறுதியில் நடைபெற்ற தற்கொலை குண்டுவெடிப்பில் 50 பேர் கொல்லப்பட்டனர்.
தென்மேற்கு பலுசிஸ்தான் மாகாணத்தில் முகமது நபியின் பிறந்தநாள் கொண்டாட்டத்தில், மசூதிக்கு அருகில் குண்டு வெடித்தது.
இந்த தாக்குதலுக்கு எந்த அமைப்பும் பொறுப்பேற்கவில்லை என்பது குறிப்பிடத்தக்கது.
மேலும்,கைபர் பக்துன்க்வா மாகாணத்தில் உள்ள பெஷாவர் நகரத்தில் மசூதிக்கு அருகில் நடந்த மற்றொரு குண்டுவெடிப்பில் குறைந்தது 5 பேர் உயிரிழந்திருந்தனர்.
செப்டம்பர் மாத தொடக்கத்தில், பலுசிஸ்தான் மாகாணத்தில் நடந்த வெடி விபத்தில் ஒரு முக்கிய முஸ்லிம் தலைவர் உட்பட குறைந்தது 11 பேர் காயமடைந்தனர்.