ஷெஹ்பாஸ் ஷெரீப் இரண்டாவது முறையாக பாகிஸ்தான் பிரதமராகவும், மரியம் நவாஸ் பஞ்சாப் முதல்வராகவும் தேர்வு
செய்தி முன்னோட்டம்
இழுபறியில் இருந்த பாகிஸ்தான் தேர்தல் முடிவுகள் ஒருவழியாக இறுதிக்கட்டத்தை எட்டியுள்ளது.
பாகிஸ்தானை மீண்டும் வழிநடத்த ஷெஹ்பாஸ் ஷெரீப் தேர்ந்தெடுக்கப்பட்டுள்ளார்.
எனினும், நேற்று வரை, கூட்டணி அரசாங்கத்தை அமைப்பதற்கான முயற்சிகள் நடந்து கொண்டிருந்தன என செய்திகள் கூறுகின்றன.
ஷெபாஸ் ஷெரீப்பை அடுத்த பிரதமருக்கான கூட்டணி வேட்பாளராக அவரது மூத்த சகோதரர் நவாஸ் ஷெரீப் இரு தினங்களுக்கு முன்னர் அறிவித்தார்.
அதேபோல, பாகிஸ்தானில் உள்ள பஞ்சாப் மாகாணத்தின் முதலமைச்சராக மரியம் நவாஸ் தேர்வு செய்யப்பட்டுள்ளார்.
முன்னாள் வெளியுறவு மந்திரி பிலாவல் பூட்டோ சர்தாரியின் பாகிஸ்தான் மக்கள் கட்சி (PPP) இந்த தேர்வை ஆதரித்தது.
ஆனால் அரசாங்கத்தில் சேர இன்னும் உறுதியளிக்கவில்லை. எனினும் அக்கட்சி வெளியில் இருந்து சிறுபான்மை அரசாங்கத்தை ஆதரிக்கும் என்று தெரிவித்துள்ளதாக கூறப்படுகிறது.
பாக்., தேர்தல்
பாகிஸ்தானில் தொங்கு பாராளுமன்றம்?
ஒரு எக்ஸ் இடுகையில், மரியம், தனது தந்தை ஒரு சிறுபான்மை கூட்டணி அரசாங்கத்தை நடத்த விரும்பவில்லை என்று கூறினார்.
அவர்களின் பாகிஸ்தான் முஸ்லீம் லீக்-நவாஸ் (PML-N) கட்சி 264 இடங்களைக் கொண்ட நாடாளுமன்றத்தில், 80 இடங்களை மட்டுமே வென்றுள்ளது.
ஆனால் பெரும்பான்மைக்கு மற்ற ஆறு கட்சிகள் ஆதரவளிப்பதாக உறுதியளித்துள்ளன.
PML-N மற்றும் PPP இரண்டிலும் உள்ள தலைவர்கள், அரசாங்கத்தை உருவாக்கும் முறைகள் குறித்து விவாதிக்க உள் குழுக்களை அமைத்துள்ளதாகவும், PPPயை நிர்வாகத்தில் இணைத்து அமைச்சரவை பதவிகளை தேர்வு செய்வது உள்ளிட்ட நிகழ்ச்சி நிரலில் உள்ளதாகவும் தெரிவித்தனர்.
பிப்ரவரி 8 தேர்தலில் பாகிஸ்தானில் 47.6 சதவீத வாக்குகள் பதிவாகியுள்ளன. இது முந்தைய 2018 இல் 52.1 சதவீத வாக்காளர்கள் வாக்களித்ததை விட குறைவாக இருந்தது