ஈரானின் தாக்குதலுக்கு பதிலடித் தாக்குதல்கள் நடத்திய பாகிஸ்தான் ராணுவம்
செய்தி முன்னோட்டம்
இன்று காலை ஈரானில் உள்ள "பயங்கரவாத மறைவிடங்களுக்கு" எதிராக பாகிஸ்தான் தாக்குதல்களை நடத்தியது.
முன்னதாக பாகிஸ்தான் பிராந்தியத்தில் உள்ள பலூச்சி குழுவான ஜெய்ஷ் அல்-அட்லின் தலைமையகம் மீது ஈரான் திடீர் தாக்குதல் நடத்தியது.
இதை கடுமையாக கண்டித்த பாகிஸ்தான், இதற்கான "கடுமையான விளைவுகள்" ஏற்படும் என்று ஈரானை எச்சரித்த மறுநாள், பாகிஸ்தான் இந்த பதிலடி தாக்குதலை தொடுத்துள்ளது.
"மார்க் பார் சர்மாச்சார்" என்ற குறியீட்டுப் பெயரிடப்பட்ட உளவுத்துறை அடிப்படையிலான நடவடிக்கையின் போது பல பயங்கரவாதிகள் கொல்லப்பட்டதாக பாகிஸ்தான் வெளியுறவு அமைச்சகம் தெரிவித்துள்ளது.
எனினும் வான்வழித் தாக்குதலில் நான்கு குழந்தைகள் உட்பட 7 பேர் கொல்லப்பட்டதாக ஈரானிய ஊடகங்கள் செய்தி வெளியிட்டுள்ளன.
card 2
ஈரான் நடத்திய தாக்குதல் எதற்கு?
பலுசிஸ்தான் மாகாணத்தில் உள்ள ஜெய்ஷ் உல்-அட்ல் பயங்கரவாதக் குழுவின் இரண்டு தளங்கள் ஆளில்லா விமானங்கள் மற்றும் ஏவுகணைகள் மூலம் அழிக்கப்பட்டன என்று ஈரானின் இஸ்லாமிய புரட்சிகர காவல்படை(IRGC) அறிவித்தது.
இதற்கு கடுமையாக கண்டித்த பாகிஸ்தான், தூண்டுதல் எதுவும் இல்லாமல் ஈரான் தங்களது வான்வெளியில் அத்துமீறி நுழைந்ததாகவும், இந்த அத்துமீறலால் கடுமையான எதிர்வினைகள் ஏற்படும் என எச்சரித்தது.
அதன்படியே, இந்த பதில் தாக்குதலை நடத்தியுள்ளது பாகிஸ்தான்.
"இன்று காலை பாகிஸ்தான், ஈரானின் சியெஸ்டன்-ஓ-பலூசிஸ்தான் மாகாணத்தில் உள்ள பயங்கரவாத பதுங்கு குழிகளுக்கு எதிராக மிகவும் ஒருங்கிணைந்த மற்றும் குறிப்பாக குறிவைக்கப்பட்ட துல்லியமான இராணுவத் தாக்குதல்களை மேற்கொண்டது" என்று வெளியுறவு அமைச்சகம் அதிகாரப்பூர்வ அறிக்கையில் தெரிவித்துள்ளது.