தேசிய டெங்கு தினம் 2023: டெங்கு பற்றி நீங்கள் தெரிந்து கொள்ள வேண்டிய உண்மைகள்!
செய்தி முன்னோட்டம்
தேசிய டெங்கு தினம் டெங்கு காய்ச்சல் குறித்த விழிப்புணர்வை ஏற்படுத்த, ஒவ்வொரு ஆண்டும் மே 16 அன்று அனுசரிக்கப்படுகிறது. டெங்கு என்பது ஏடிஸ் கொசுக்களால் பரவும் ஒரு நோயாகும். டெங்கு, காய்ச்சல் போன்ற அறிகுறிகளை அளிக்கிறது. இது மிகவும் தீவிரமானது மற்றும் ஆபத்தானது. டெங்கு காய்ச்சலை கண்டறிய சுமார் 10 நாட்கள் ஆகும். டெங்கு காய்ச்சலை சரியான நேரத்தில் கண்டறிந்து சிகிச்சை அளிக்காவிட்டால் உயிரிழப்பு ஏற்படும் அபாயம் உள்ளது. முறையான மருத்துவ உதவியுடன் நோய்த்தொற்றை முன்கூட்டியே கண்டறிவது நிலைமையை சமாளிக்க உதவும். டெங்குவுக்கு மருந்து அல்லது குறிப்பிட்ட சிகிச்சை என்று எதுவும் இல்லை.
Dengue
டெங்குவிற்கான தடுப்பூசி
டெங்குவிற்கான தடுப்பூசி 2015 இன் கடைசியில் கண்டுபிடிக்கப்பட்டது. தடுப்பூசியின் பெயர் Dengvaxia (CYD-TDV) ஆகும். பல நாடுகளில் இதற்கான தடுப்பூசி இன்னும் அறிமுகப்படுத்தப்படவில்லை. இந்த காய்ச்சல் பகல் நேரத்தில் கடிக்கும் ஏடிஸ் கொசுவினால் பரவுகிறது. ஏடிஸ் கொசு பொதுவாக நகர்ப்புற வெப்பமண்டல பகுதிகளில் இனப்பெருக்கம் செய்கிறது மற்றும் இந்த வகை கொசுக்கள் தண்ணீரில் முட்டையிடுகிறது. டெங்குவால் பாதிக்கப்பட்ட மக்களில் 75% பேர் ஆசியாவில் வாழ்கின்றனர் என்று WHO கூறுகிறது. ஆசிய நாடுகளில் உள்ள சுகாதார அமைப்புகள், கொசுக்களின் இனப்பெருக்கத்தை குறைக்க தீவிர முயற்சிகளை மேற்கொண்டு வருகின்றன. நோய் பற்றிய விழிப்புணர்வை ஏற்படுத்தவும், தொற்றுநோயை சிறந்த முறையில் சமாளிக்க வசதிகளை மேம்படுத்தவும் கடுமையாக உழைத்து வருகின்றனர்.