மலை காடுகள் மிக வேகமாக அழிந்து வருகிறது: ஆய்வில் தகவல்
உலகின் 85 சதவீத பறவைகள், பாலூட்டிகள் மற்றும் நீர்வீழ்ச்சிகளுக்கு வாழ்விடங்களாக இருக்கும் மலை காடுகள் -மரம் வெட்டுதல், காட்டுத் தீ மற்றும் விவசாயம் ஆகியவற்றால் மிக வேகமாக அழிந்து வருவதாக ஒரு புதிய ஆய்வில் தெரியவந்துள்ளது, 2000ஆம் ஆண்டு, உலகத்தின் பரப்பளவில் 1.1 பில்லியன் ஹெக்டேர் (2.71 பில்லியன் ஏக்கர்) மலை காடுகளாக இருந்தன. ஆனால் குறைந்தபட்சம் 78.1 மில்லியன் ஹெக்டேர் மலை காடுகள் 2000 மற்றும் 2018 க்கு இடையில் அழிந்துவிட்டது. இந்த இழப்புகள் நூற்றாண்டின் தொடக்கத்தில் இருந்ததை விட 2.7 மடங்கு அதிகமாகும். வணிக ரீதியிலான மரம் வெட்டுதல், காட்டுத்தீ, விவசாயம் ஆகியவை இந்த இழப்பிற்கு முக்கிய காரணமாக பார்க்கப்படுகிறது.
அழிந்து வரும் வெப்பமண்டல பல்லுயிர் மையங்கள்
"வெப்பமண்டல பல்லுயிர் மையங்கள்" என்று கூறப்படும் அரிதான மற்றும் அழிந்துவரும் உயிரினங்களுக்கு அடைக்கலமாக இருக்கும் மலைப் பகுதிகளில் இந்த இழப்புகள் அதிகம் ஏற்பட்டுள்ளன என்பது மிகவும் கவலைக்குரிய விஷயமாகும். உயரங்கள் மற்றும் செங்குத்தான சரிவுகள் தான் மலை காடுகளை மனித சுரண்டலில் இருந்து முன்பு காப்பாற்றி வந்தது. ஆனால் இந்த நூற்றாண்டின் தொடக்கத்தில் இருந்து, இது போன்ற பகுதிகள், அதிகளவில் மரங்களை விவசாயம் செய்து டிம்பர்களாக மாற்றுவதற்கு பயன்படுத்தப்பட்டு வருகின்றன. 42 சதவீத மலைக்காடு இழப்புக்கு வணிக ரீதியாக மரம் வளர்ப்பது காரணமாக இருக்கிறது. அதைத் தொடர்ந்து, காட்டுத்தீ (29 சதவீதம்) மற்றும் மாறிவரும் சாகுபடிகள் (15 சதவீதம்) மிக பெரும் காரணிகளாக இருக்கின்றன.
