இரண்டு கணிப்புகள் நிஜமாகிவிட்டது! ஆர்க்டிக் பகுதியில் புதிய போர் மூளும்! வாழும் நாஸ்ட்ராடாமஸ் வெளியிட்ட திடுக்கிடும் தகவல்
செய்தி முன்னோட்டம்
எதிர்கால உலக நிகழ்வுகளைத் துல்லியமாக கணிப்பதாகக் கூறிக்கொள்ளும் 'வாழும் நாஸ்ட்ராடாமஸ்' என அழைக்கப்படும் அதோஸ் சலோம், 2026 ஆம் ஆண்டிற்காகத் தான் வெளியிட்ட 10 கணிப்புகளில் இரண்டு கணிப்புகள் ஏற்கனவே உண்மையாகிவிட்டதாகத் தெரிவித்துள்ளார். மத்திய கிழக்கில் ஈரான் மற்றும் இஸ்ரேல் இடையே ஏற்படும் பதற்றம் மற்றும் உலகக்கோப்பை கால்பந்து போட்டியில் ஸ்பெயின் அணி வெற்றிபெறும் என்ற தனது கணிப்புகள் நிஜமாகிவிட்டதாக அவர் கூறியுள்ளார். இதனைத் தொடர்ந்து, உலகின் அமைதியை சீர்குலைக்கும் வகையில் ஆர்க்டிக் பகுதியில் விரைவில் புதிய உலகப் போர் மூளக்கூடும் என அவர் தற்போது அதிர்ச்சி எச்சரிக்கை விடுத்துள்ளார்.
போர் ஆபத்து
ஆர்க்டிக் பகுதியில் மூளும் புதிய போர் ஆபத்து
பூமியில் நிலவும் காலநிலை மாற்றம் காரணமாக ஆர்க்டிக் பகுதியில் உள்ள பனிப்பாறைகள் வேகமாக உருகி வருவதாகவும், இதனால் அங்கு புதிய கடல்சார் வர்த்தக பாதைகளும் இயற்கை வளங்களும் வெளிப்பட்டு வருவதாகவும் அவர் குறிப்பிட்டுள்ளார்.
இந்த புதிய இயற்கை ஆதாரங்களைக் கைப்பற்றுவதில் ரஷ்யா மற்றும் நேட்டோ அமைப்பின் படைகளுக்கு இடையே கடுமையான மோதல் உருவாக வாய்ப்புள்ளது.
ஆர்க்டிக் மண்டலத்தில் ரஷ்யா தனது ஏவுகணை அமைப்புகளை ராணுவ ரீதியாக வியூக முக்கியத்துவம் வாய்ந்த பகுதிகளில் நிறுவி வருவதாகவும், இது இரு தரப்பிற்கும் இடையே நேரடிப் போராக மாறக்கூடும் என்றும் அவர் எச்சரித்துள்ளார்.
ஆப்பிரிக்கா
ஆப்பிரிக்கா சாஹெல் பகுதியிலும் வெடிக்கும் பதற்றம்
ஆர்க்டிக் பகுதி மட்டுமன்றி, ஆப்பிரிக்காவின் சாஹெல் பிராந்தியத்திலும் தீவிரவாத அமைப்புகளின் எழுச்சி காரணமாக பெரிய அளவிலான மறைமுகப் போர்கள் உருவாகும் என அதோஸ் கணித்துள்ளார்.
குறிப்பாக நைஜர் நாட்டின் வடக்கு பகுதிகளில் தீவிரவாதக் குழுக்கள் அதிகரித்து வருவதால், மேலைநாட்டு படைகள் வெளியேறிய பிறகு அங்குத் தங்களின் ஆதிக்கத்தை நிலைநிறுத்த சர்வதேச வல்லரசு நாடுகள் மறைமுகமாக மோதிக்கொள்ளும் சூழல் உருவாகும் என அவர் சுட்டிக்காட்டியுள்ளார்.
இந்த நிலப்பரப்பில் அதிகாரம் செலுத்த நினைக்கும் நாடுகளுக்கு இடையே நடக்கும் இந்தப் போட்டியால் ஆப்பிரிக்க பிராந்தியத்தின் பாதுகாப்பு கேள்விக்குறியாகும் அபாயம் உள்ளது.
எதிர்கால கணிப்புகள்
எதிர்காலக் கணிப்புகள் குறித்து அதோஸ் விளக்கம்
தான் வெறும் ஜோதிடர் மட்டுமல்லாமல் ஒரு பாராசைக்காலஜிஸ்ட் என்று கூறிக்கொள்ளும் அதோஸ் சலோம், குவாபாலா கல்வி, குறியீட்டு பகுப்பாய்வு மற்றும் நீண்டகால வடிவங்களை கவனிப்பதன் மூலமே இந்த கணிப்புகளை வெளியிடுவதாக விளக்கியுள்ளார்.
முன்னதாக கொரோனா பெருந்தொற்று மற்றும் இங்கிலாந்து ராணி இரண்டாம் எலிசபெத்தின் மறைவையும் தான் முன்கூட்டியே கணித்ததாக அவர் கூறுகிறார்.
இருப்பினும், எந்த ஒரு கணிப்பு முறையும் தவறுகளற்றது அல்ல என்றும், கணிப்புகள் என்பது மனிதர்களின் விளக்கங்களே தவிர அவை முற்றிலும் மாறாத உண்மைகள் அல்ல என்றும் அவர் வெளிப்படையாகக் கூறியுள்ளார்.