இங்கிலாந்து சீக்கியர்களிடையே பிரிவினையை தூண்டும் காலிஸ்தான் குழுக்கள்
செய்தி முன்னோட்டம்
இங்கிலாந்தில் உள்ள சீக்கிய சமூகத்தினரிடையே பிளவை ஏற்படுத்த காலிஸ்தான் குழுக்கள் முயற்சிக்கின்றன என்று UK அரசாங்க அதிகாரி ஒருவர் தெரிவித்துள்ளார். இங்கிலாந்து அரசாங்கத்தால் நியமிக்கப்பட்ட சுதந்திர ஆலோசகரான கொலின் ப்ளூம் ஒரு அறிக்கையை வெளியிட்டுள்ளார். இந்த அறிக்கையில், "காலிஸ்தான் குழுக்கள் இங்கிலாந்தில் தங்களுக்கு அதிகாரம் வேண்டும் என்று நினைக்கின்றனர். எனவே சீக்கியர்களிடையே பதற்றத்தை உருவாக்கி இந்திய எதிர்ப்பு உணர்வுகளை தூண்டி வருகின்றனர்", என்று கூறப்பட்டுள்ளது. இப்படி செய்யும் காலிஸ்தான் குழுக்கள், பணத்தையும் அதிகாரத்தையும் பெறுவதற்கு சீக்கியர்களின் பாதுகாவலர்களாக இருக்க விரும்புகின்றனர். அவர்கள் ஒரு பெரிய பிளவை ஏற்படுத்தி, அதனால் அதிக பதற்றத்தை உருவாக்க விரும்புகிறார்கள். அது இறுதியில் அதிகாரப் போராட்டத்திற்கு வழிவகுக்கும், என்று அந்த அறிக்கையில் கூறப்பட்டுள்ளது.
DETAILS
3 ஆண்டுகளாக தயாரிக்கப்பட்ட அறிக்கை
இங்கிலாந்தில் உள்ள மத குழுக்கள் பற்றிய பரிந்துரைகளை வழங்க இங்கிலாந்து அரசாங்கம் 2019 அக்டோபரில் ஒரு சுயாதீன ஆலோசகரை நியமித்தது. அவரது பெயர் கொலின் ப்ளூம் ஆகும். அவர், இந்த அறிக்கையை தயாரிக்க மூன்று வருடங்கள் ஆகியது. இந்த அறிக்கையில் மொத்தம் 60,000 சொற்கள் இருக்கின்றன. இது, 21,000க்கும் மேற்பட்ட பதில்களையும் ஒரு மில்லியன் தரவுகளையும் ஆயிரக்கணக்கான பிற தொடர்புகளையும் அடிப்படையாக கொண்டு தயாரிக்கப்பட்டது. இந்த அறிக்கை எழுத ஆரம்பித்ததில் இருந்து, ஐந்து நம்பிக்கை அமைச்சர்கள், நான்கு மாநிலச் செயலாளர்கள்(வீட்டுவசதி, சமூகங்கள், உள்ளாட்சி அமைச்சகம்) மற்றும் மூன்று பிரதமர்கள் இங்கிலாந்தில் மாறியுள்ளனர்.