நித்யானந்தாவை இந்தியா தொடர்ந்து துன்புறுத்துகிறார் - ஐநா.,வில் கைலாசா பிரதிநிதி புகார்
செய்தி முன்னோட்டம்
ஐக்கிய நாடுகள் சபை கூட்டத்தில் நித்யானந்தா தனது தாய் நாடான இந்தியாவால் தொடர்ந்து துன்புறுத்தப்படுகிறார் என்று கைலாசா பிரதிநிதியான அவருடைய சிஷ்யை ஒருவர் புகார் அளித்துள்ளார்.
2010ம் ஆண்டு கார்நாடக அமைர்வு நீதிமன்றம் ஜாமீனில் வெளிவர முடியாத பிடிவாரண்ட்டினை பிறப்பித்தது.
இவர் மீது பாலியல் குற்றச்சாட்டுகளும், குஜராத் ஆசிரமத்தில் இருந்த குழந்தைகளை கடத்திய வழக்குகளும் உள்ளன.
இந்தியா மாநிலங்களில் பல்வேறு பாலியல் குற்றச்சாட்டுகளில் சிக்கிய நித்யானந்தா வழக்குகளில் இருந்து தப்பி, 'கைலாசா' என்னும் நாட்டினை உருவாக்கி அதில் தற்போது வாழ்ந்து வருகிறார்.
இந்நிலையில் ஐநா சபையின் பொருளாதார மற்றும் கலாச்சார உரிமைகளுக்கான 19வது மாநாட்டின் 73வது கூட்டம் அண்மையில் நடந்தது.
இதில் மாவிஜயபிரியா நித்யானந்தா என்பவர் கைலாசா சார்பில் கலந்து கொண்டு பேசினார்.
மாவிஜயபிரியா நித்யானந்தா
கைலாசா நாட்டின் நிரந்தர தூதர் என்று தன்னை வர்ணித்துக்கொண்டார்
அப்போது அவர் தன்னை கைலாசா நாட்டின் நிரந்தர தூதர் என்று வர்ணித்துக்கொண்டுள்ளார்.
நிலையான வளர்ச்சி இலக்குகள் குறித்த கூட்டத்தில் பேசிய அவர் தனது தாய் நாட்டை உருவாக்கிய நித்யானந்தா அவரது தாய் நாட்டால் தொடர்ந்து துன்புறுத்தப்பட்டு வருகிறார் என்று கூறியுள்ளார்.
மேலும் பேசிய அவர், இந்து மதத்தின் முதல் இறையாண்மை அரசு. கைலாசம் இந்து மதத்தின் 10,000 மரபுகளையும், விவசாய பழங்குடியினரையும் இணைத்து நித்யானந்தாவும் ஆதி சைவரும் இணைந்து புதிப்பித்து வருகிறார்கள் என்றும் கூறியுள்ளார்.
தொடர்ந்து, பெரிய குருவான நித்யானந்தாவை அவரது சொந்த மண்ணில் இருந்து நாடு கடத்தினர்.
கைலாசாவில் நித்யானந்தா மற்றும் 20 லட்ச இந்துக்கள் துன்புறுத்தப்படுவதை தடுக்க என்ன நடவடிக்கை எடுக்க வேண்டும் என்றும் அவர் பேசியது குறிப்பிடத்தக்கது.