புதிய mpox மாறுபாட்டின் முதல் வழக்கு இங்கிலாந்தில் பதிவு
சமீபத்திய mpox மாறுபாடு, கிளேட் 1b உடன் தொற்று முதன்முறையாக ஐக்கிய இராச்சியத்தில் கண்டறியப்பட்டுள்ளது என UK சுகாதார பாதுகாப்பு நிறுவனம் (UKHSA) புதன்கிழமை அறிவித்தது. பாதிப்புக்குள்ளான நபர் ஆப்பிரிக்காவிலிருந்து திரும்பிய பிறகே லண்டனில் ஒற்றை வழக்கு கண்டறியப்பட்டதாக ஏஜென்சி கூறியது. அதனால் பரந்த மக்களுக்கு ஆபத்து "குறைவாகவே உள்ளது" என்றும் தெரிவிக்கப்பட்டுள்ளது. அந்த நபர் விடுமுறையில் இருந்ததாகவும், அக்டோபர் 21 அன்று இரவில் விமானத்தில் இங்கிலாந்து திரும்பியதாகவும் UKHSA தெரிவித்துள்ளது. அவருக்கு 24 மணி நேரத்திற்கும் மேலாக காய்ச்சல் போன்ற அறிகுறிகளை உருவானதாகவும், மேலும் அக்டோபர் 24 அன்று உடம்பில் கொப்புளங்கள் உருவாகத் தொடங்கியது என்றும், இது அடுத்த நாட்களில் மோசமடைந்தது எனவும் கூறப்பட்டுள்ளது.
ஆபத்து குறைவு என்கிறது இங்கிலாந்து சுகாதாரத்துறை அமைச்சகம்
அந்த நபர் அக்டோபர் 27 அன்று லண்டனில் உள்ள அவசர சிகிச்சைப் பிரிவில் அனுமதிக்கப்பட்டார். அங்கு அவர் சோதனை செய்யப்பட்டு, தற்போது தொற்று நோய் பிரிவில் சிகிச்சை பெற்று வருகின்றார். அதே வேளையில் நோயாளியுடன் தொடர்பு கொண்டதாகக் கருதப்படும் 10 க்கும் குறைவான நபர்கள் கண்டுபிடிக்கப்பட்டுள்ளனர் என்று UKHSA தெரிவித்துள்ளது. "இங்கிலாந்தின் மக்கள்தொகைக்கான ஆபத்து குறைவாகவே உள்ளது, மேலும் நெருங்கிய தொடர்புகளைக் கண்டறிந்து, சாத்தியமான பரவலின் அபாயத்தைக் குறைக்க நாங்கள் விரைவாகச் செயல்பட்டு வருகிறோம்" என்று ஏஜென்சியின் தலைமை மருத்துவ ஆலோசகர் சூசன் ஹாப்கின்ஸ் கூறினார்.
குரங்கம்மையின் வகைகள்
காய்ச்சல், உடல்வலி, வீங்கிய நிணநீர் கணுக்கள் மற்றும் கொப்புளங்களாக உருவாகும் சொறி ஆகியவற்றை ஏற்படுத்தும் பெரியம்மை தொடர்பான வைரஸ் நோயான Mpox(குரங்கம்மை) இரண்டு முக்கிய துணை வகைகளைக் கொண்டுள்ளது -- கிளேட் 1 மற்றும் கிளேட் 2. மே 2022 முதல், கிளாட் 2 உலகம் முழுவதும் பரவியது. பெரும்பாலும் ஐரோப்பாவிலும் அமெரிக்காவிலும் ஓரினச்சேர்க்கை மற்றும் இருபால் ஆண்களை பாதிக்கிறது. ஜூலை 2022 இல், WHO ஒரு சர்வதேச பொது சுகாதார அவசரநிலையை அறிவித்தது, இது பரவல் குறித்த மிக உயர்ந்த எச்சரிக்கை.
