21-ம் நூற்றாண்டின் கொடூரம்: கொலம்பியாவை உலுக்கிய 7.4 நிலநடுக்கம், 132 பேர் பரிதாப பலி
செய்தி முன்னோட்டம்
மேற்கு கொலம்பியாவில் திங்கள்கிழமை அதிகாலை ஏற்பட்ட மிகச் சக்திவாய்ந்த நிலநடுக்கத்தால் 132 பேர் உயிரிழந்தனர் மற்றும் 87 பேர் படுகாயமடைந்துள்ளனர். 21-ஆம் நூற்றாண்டில் நாட்டில் பதிவான மிகச் சக்திவாய்ந்த நிலநடுக்கம் இதுவென கொலம்பியா புவியியல் ஆய்வு மையம் தெரிவித்துள்ளது. ரிக்டர் அளவுகோலில் 7.4 ஆக பதிவான இந்த நிலநடுக்கம், பூமிக்கு அடியில் 107 கி.மீ ஆழத்தில் மையம் கொண்டிருந்தது. கொலம்பியாவின் காபி உற்பத்தி மண்டலமான ரிசடால்டாவில் அதிக அளவில் சேதம் ஏற்பட்டுள்ளது. மணிசாலேஸ் நகரில் உள்ள புகழ்பெற்ற கேதட்ரல் கோபுரம் இடிந்து விழுந்தது. காளி மற்றும் பெரெய்ரா நகரங்களில் பல்லடுக்கு கட்டடங்கள் சரிந்து விழுந்ததில் பலர் இடிபாடுகளுக்குள் சிக்கியுள்ளனர்.
சேதம்
பாதிக்கப்பட்ட உள்கட்டமைப்புகள்
சமீபத்தில் பதவியேற்ற அதிபர் அபிலார்டோ டி லா எஸ்ப்ரியெல்லா நாடு முழுவதும் தேசிய அவசரநிலையைப் பிரகடனம் செய்துள்ளார்.
இடிபாடுகளுக்குள் சிக்கியுள்ளவர்களை மீட்கும் பணிக்கே அரசு முதலிடம் அளித்து வருவதாக அவர் தெரிவித்துள்ளார்.
60-க்கும் மேற்பட்ட கட்டடங்கள் முற்றிலும் தரைமட்டமாகியுள்ளன.
நிலநடுக்கத்தைத் தொடர்ந்து தொலைத்தொடர்பு சேவைகள் துண்டிக்கப்பட்டதால் மீட்புப் பணிகளில் தாமதம் ஏற்பட்டது.
முன்னெச்சரிக்கை நடவடிக்கையாக பெரெய்ரா, மணிசாலேஸ், குய்ப்டோ உள்ளிட்ட நகரங்களில் உள்ள 6 விமான நிலையங்களின் செயல்பாடுகள் தற்காலிகமாக நிறுத்தப்பட்டுள்ளன.
நிலநடுக்கத்திற்கு பிறகு 21-க்கும் மேற்பட்ட அதிர்வுகள் பதிவாகியுள்ளதால் மக்கள் பாதுகாப்பான இடங்களில் தங்குமாறு அறிவுறுத்தப்பட்டுள்ளனர்.