2வது ஆண்டாக மக்கள் தொகை வீழ்ச்சி: பிறப்பு விகிதத்தை அதிகரிக்க போராடும் சீனா
செய்தி முன்னோட்டம்
1950ஆம் ஆண்டு ஐநா மக்கள் தொகை தரவுகளை சேகரிக்கத் தொடங்கியதில் இருந்து, உச்சத்தில் இருந்த சீனாவின் மக்கள் தொகை முதல்முறையாக கடந்த ஆண்டு சரியத் தொடங்கியது.
அது இன்னும் சரிந்து கொண்டே இருப்பதால், நாட்டின் பிறப்பு விகிதத்தை அதிகரிக்க சீனா போராடி வருகிறது.
சீனாவை பின்னுக்கு தள்ளி இந்தியா உலகின் அதிக மக்கள் தொகை கொண்ட நாடாக மாறியுள்ளது என்று ஐக்கிய நாடுகள் சபை கடந்த ஏப்ரல் மாதம் தெரிவித்திருந்தது.
அதனையடுத்து, மானியங்கள் மற்றும் கருவுறுதல் சார்பு பிரச்சாரத்தின் மூலம் வீழ்ச்சியடைந்த பிறப்பு விகிதங்களை அதிகரிக்க முயற்சித்து வருகிறது.
டக்ஜ்வ்
1960க்குப் பிறகு முதல் முறையாக சீனாவின் மக்கள் தொகை குறைந்துள்ளது
"2023 ஆம் ஆண்டின் இறுதியில், தேசிய மக்கள்தொகை 1,409.67 மில்லியனாக இருந்தது... 2022ஆம் ஆண்டின் இறுதியில் இருந்ததை விட 2023இல் மக்கள் தொகை 2.08 மில்லியன் குறைந்துள்ளது" என்று சீனாவின் தேசிய புள்ளியியல் பணியகம்(NBS) புதன்கிழமை தெரிவித்துள்ளது.
கடந்த ஆண்டு ஏற்பட்ட மக்கள் தொகை சரிவு 2022இல் பதிவான வீழ்ச்சியை விட இரண்டு மடங்கு அதிகமாக இருந்தது.
1960க்குப் பிறகு முதல் முறையாக சீனாவின் மக்கள் தொகை குறைந்ததால் சீனா 850,000 மக்களை இழந்துள்ளது.
2023 ஆம் ஆண்டில், சீனாவில் பிறப்புகளின் எண்ணிக்கை 9.02 மில்லியனாக இருந்தது. ஒரு ஆயிரத்திற்கு 6.39 பிறப்பு விகிதம் என்பதும் பதிவு செய்யப்பட்டுள்ளது.
2022ஆம் ஆண்டில் சீனாவின் பிறப்பு எண்ணிக்கை 9.56 மில்லியனாக இருந்தது