ராயல் சேலஞ்சர்ஸ் மகளிர் அணியின் வழிகாட்டியாக சானியா மிர்ஸா நியமனம்
ராயல் சேலஞ்சர்ஸ் பெங்களூர் மகளிர் அணி, சானியா மிர்சாவை அணியின் வழிகாட்டியாக அறிவித்துள்ளது. கிரிக்கெட் அணியில் டென்னிஸ் வீராங்கனைக்கு என்ன பணி என பலரும் யோசிப்பதைப் போலவே சானியாவும். இது குறித்து தன்னை அணுகியபோது ஆச்சரியப்பட்டதாக தெரிவித்துள்ளார். ஆனால் மிகவும் உற்சாகமாக இருப்பதாகவும், நீண்ட காலமாக ஒரு தொழில்முறை தடகள வீராங்கனையாக இருந்து வருவதாகவும், தனது அடுத்த வேலையாக இளம் பெண்களுக்கு விளையாட்டை ஒரு தொழில் விருப்பமாக உணர வைப்பேன் என நம்புவதாகவும் கூறியுள்ளார். இதற்கிடையே தனது கடைசி கிராண்ட்ஸ்லாமாக ஆஸ்திரேலியா ஓபனில் சமீபத்தில் விளையாடிய சானியா மிர்சா, பிப்ரவரி 27இல் தொடங்கும் துபாய் டென்னிஸ் சாம்பியன்ஷிப்புடன் ஓய்வு பெறுவதாக அறிவித்தது குறிப்பிடத்தக்கது.
