ஐபிஎல் வரலாற்றில் முதல்முறை; 1,000 பவுண்டரிகளை அடித்த முதல் வீரர் ஆனார் விராட் கோலி
செய்தி முன்னோட்டம்
இந்தியன் பிரீமியர் லீக் (ஐபிஎல்) வரலாற்றில் 1,000 பவுண்டரிகளை அடித்த முதல் வீரர் என்ற புதிய சாதனையை விராட் கோலி படைத்துள்ளார்.
ஐபிஎல் 2025 தொடரில் டெல்லி கேப்பிடல்ஸ் அணிக்கு எதிரான ராயல் சேலஞ்சர்ஸ் பெங்களூர் அணியின் போட்டியில் வியாழக்கிழமை (ஏப்ரல் 10) இந்த மைல்கல் எட்டப்பட்டது.
இந்த போட்டிக்கு முன்னதாக, விராட் கோலிக்கு இந்த இலக்கை அடைய இரண்டு பவுண்டரிகள் மட்டுமே தேவைப்பட்டன.
இந்நிலையில், டெல்லி கேப்பிடல்ஸ் அணிக்கு எதிரான போட்டியில் முதல் நான்கு ஓவர்களில் இந்த மைல்கல்லை எட்டினார்.
36 வயதான பேட்டிங் ஜாம்பவான் விராட் கோலி ஐபிஎல்லில் தனது ஆதிக்கத்தை தொடர்ந்து வலுப்படுத்தி வருகிறார்.
முன்னணி ரன் ஸ்கோரர்
ஐபிஎல்லின் முன்னணி ரன் ஸ்கோரர்
ஐபிஎல்லில் ஒட்டுமொத்தமாக அதிக ரன் குவித்தவர் என்ற பெருமையையும் விராட் கோலி பெற்றுள்ளார். ஐபிஎல் தொடங்கியதிலிருந்து கோலி 8,000 ரன்களுக்கு மேல் குவித்துள்ளார்,
இது பல சீசன்களில் அவரது நிலைத்தன்மை மற்றும் தாக்கத்திற்கு சான்றாகும். சாதனைப் பட்டியலில் அவர் தொடர்ந்து முதலிடத்தில் இருப்பது அவரது தொழில்நுட்பத் திறமை மற்றும் கடினமான வடிவத்தில் நீடித்த உடற்தகுதி இரண்டையும் பிரதிபலிக்கிறது.
இதற்கிடையே, 2025 சீசன் தொடங்கி நடைபெற்று வரும் நிலையில், ராயல் சேலஞ்சர்ஸ் பெங்களூர் அணி புள்ளிப் பட்டியலில் மூன்றாவது இடத்தில் இருப்பதோடு, தனது முதல் ஐபிஎல் பட்டத்தை வெல்லும் முனைப்பில் உள்ளது.
அதற்கு விராட் கோலியின் தற்போதைய சிறப்பான ஃபார்ம் தொடர்வது மிக முக்கியம் என்பது குறிப்பிடத்தக்கது.