மகனின் பிறந்தநாள்; இன்ஸ்டாகிராமில் உருக்கமாக பதிவிட்ட ஷிகர் தவான்
செவ்வாயன்று (டிசம்பர் 26) இந்திய கிரிக்கெட் அணியின் மூத்த வீரர் ஷிகர் தவான் தனது மகன் ஜோராவரின் பிறந்தநாளுக்கு இன்ஸ்டாகிராமில் வாழ்த்து தெரிவித்துள்ளார். ஐபிஎல் தொடரில் பஞ்சாப் கிங்ஸ் அணியை வழிநடத்தி வரும் ஷிகர் தவான், தனது மனைவி ஆஷா முகர்ஜியை பிரிந்து வாழ்ந்து வருகிறார். இந்நிலையில், தனது மகனின் பிறந்த நாளில், இன்ஸ்டாகிராமில் வாழ்த்து தெரிவித்துள்ள ஷிகர் தவான், கடந்த ஒரு வருடமாக ஜோராவரை நேரில் பார்க்க முடியவில்லை என்று சோகத்துடன் தெரிவித்துள்ளார். தவான் தனது மகனுடன் தொடர்பு கொள்ள அனுமதிக்கும் அனைத்து டிஜிட்டல் சேனல்களிலிருந்தும் தான் தடை செய்யப்பட்டுள்ளதாக கூறினார். மேலும், நேரில் பார்த்து ஒருவருடம் ஆகியுள்ளதாகவும், மூன்று மாதமாக எங்கேயும் பார்க்க முடியவில்லை என சோகத்தை வெளிப்படுத்தி உள்ளார்.
